مېیانو ئەرەیاۋنای و چاپەمەنی هەپەگەی ئەرەیاۋنێوە نووسیاش وەڵا کەرڎۆ و واتش: "جەنگاوەرا قارەمانۍ ئاپۆیی، مونزور سەرحەد و ئەرداڵ ڕەشۆ و چیاگەر دیجلە، ٢٢ۍ تەمموزو ٢٠٢٤ ی جە ۋەرا ۋەرو هرووژمەکا دژمنینە پەی سەرو هەرێمو زاپی تا دما هەناسە فیداکارانە مڎرامانشا کەرد و گەشمەرڎۍ بیۍ".

جە ئەرەیاۋناکەنە ماچۆ: "هەمڕێما تا دما هەناسە سەرو هێڵۊو فیداکاری مڎرامانشا کەرد و دلۍ هەلومەرجی دژوارینە گەریلایەتیشا کەرڎ. بە مڎرامانوو ۋێشا، تێزو نەبەزیای جەنگاوەریی ئاپۆییشا پەی تەمامو جەهانی سەلەمنا. حەرچڼە دۊڵەتو ئەرەگیرو تورکی تەقەمەنی قەڎەغەکریای و گازی کیمایی بەکارمارۆ، شکسش ئارڎەن. گەریلا هەم جە تیمە گێڵیارەکا سەر زەمینی و هەم جە مەڕەکا جەنگینە، پێرفۆرمانسێوە بێ‌ وێنەشا نیشانەدا. جە گرڎو ئی هەرمانانە، ئی هەمڕێما خاوەنو ڕەنجێوە گۊرەی بێنۍ. هەمڕێما مونزور و ئەرداڵ و چیاگەر جە حیچ ئەرکێوە پاشەکشەشا نەکەرد و گرڎو هەوڵەکۍ دژمنیشا پووچۍ کەردێوە. بە پسپۆڕیشا جە جەنگ و تاکتیکە هامچەرخەکانە و بە هەمڕایی هێقمیشا، نامۍ ۋێشا جە تاریخو ئەوەکۊشایمانە نویستۆ. هەمڕا کېما پارێزنەرۍ بەهێزو ژیۋای پەکەکەی بێنۍ، بەهاو ئازادیشا جە هەلومەرجی سەختەنە پارېزنا، میراتێوە ئەوەکۊشای گۊرەشا پەی ئێمە جیا ئاست.

ئێمەیچ پېسە هەمڕاکاشا، تەئکیدش مکەرمېوە هەمیشە ئەوەکۊشای هەمڕایاما مونزوری و ئەرداڵی و چیاگەری مکەرمۍ بە ڕانیشاندەرو ۋێما و قەول مڎەیمۍ جە کوردەسانی ئازادەنە یاڎشا بەرز ڕاگێرمۍ. سەرەوەشی جە بنەیانەی قارەمان و گەلو کوردەسانی وڵاتپارێزنی مکەرمۍ".

زانیاری دەربارەو ئشناسنامەو گەریلا گەشمەرڎەکاما پی جۆرەنە:

ناسنامۍ / مونزور سەرحەد

نامۍ و دما نامۍ / ئیبراهیم چیدەم

شۊنەماو جە ئەڎابیەی / وان

نامۍ ئەڎۍ و نامۍ تاتەی / ڕەمزیە - ماشەڵا

شۊنەماو کاتو گەشمەرڎەبیەی / ٢٢ ۍ تەمموزو ٢٠٢٤/ زاپ

*****

ناسنامۍ / ئەرداڵ ڕەشۆ

نامۍ و دما نامۍ / سەرحەد ئاکچین

شۊنەماو جە ئەڎابیەی / مێردین

نامۍ ئەڎۍ و نامۍ تاتەی / واجیهە - عومەر

شۊنەماو کاتو گەشمەرڎەبیەی / ٢٢ ۍ تەمموزو ٢٠٢٤/ زاپ

*****

ناسنامۍ / چیاگەر دیجلە

نامۍ و دما نامۍ / ئیبراهیم محۆ

شۊنەماو جە ئەڎابیەی / کۆبانێ

نامۍ ئەڎۍ و نامۍ تاتەی / سوڵتان - جەمال

شۊنەماو کاتو گەشمەرڎەبیەی / ٢٢ ۍ تەمموزو ٢٠٢٤/ زاپ.