هامسەرۆکۊو گرڏینەو دەم پارتی تولای حاتەم ئۆغوللاریە پېوەس بە گلێرۆبییەو شاندو دەم پارتی و وەزارەتو دادی واتش: "دیموکراتیک بییەی تورکیای، بابەتی سەرەکی گلێرۆبییەکەین."
هامسەرۆکەو گرڏی دەم پارتی تولای حاتەم ئۆغوللارە دماو گلێرۆبییەو گرڏی پارتەکەیس جە پەڕلەمانەنە جواب و پەرسەو ڕۆنامەواناش داوە.
تولای حاتەم ئۆغۆلارە پەیوەس بە بەستەو کۆنگرەو پەکەکەی واتش: "دەربارەو کاتو بەستەو کۆنگرەی هیچ زانیارییێما نییا وەردەسەنە. بەڵام زانیاری هەن کە بە هەنگام نییای ڕۆشنە یاسا ئیمکانو پرۆسەکەی ڕەخسنۆنە. پێسەو ئانەی وچیۆ ئەر هەردووی لا هەنگامە بنیا تاویۆنە ئی کۆنگرەیە بەسیۆنە. جگە چینەی هیچ زانیاریێ تەرما نییا."
تولای حاتەم ئۆغۆللارە دەربارەو گلیرۆبییەو شاندو ئیمراڵی چنی وەزیرو دادی یڵماز تونج واتش: "چا گلێرۆبییەینە سەرو چن بابەتێ گفتوگۆ کریۆنە. مافو هیوای، یاسێ جابەجێ کەردەی... بەڵام بابەتو سەرەکی گلیرۆبییەکەی، قسەکەردەین سەرو هەنگام نییای پەی دیموکراتیکبییەو تورکیای. پەی ئینەی پەنەوازا یاسێوە تایبەتە بەرەبشۆنە. حەر وێش بە پاو دەستوورو بنەڕەتی ئیسەی ئەنجام دریۆنە مشۆم گرڏو ئینیشا پراکتیزە کریانە. سەرو ئی بابەتا بە وەرفراوانی قسێ کریۆنە"
