هېزی (١٤و نیسان)ی شاندێوە ١٢ کەسی پەرلەمانو ئۊرووپای و بەریتانیای و ئەنداماو ڕێکوزیا مەندەییەکا دلېچشان ڕێکوزیای کوردی هەن، یاوۍ سەرنیشت و ۋەرکۊتوو سووریای.

شاندەکە جە مېیانو گرڎیی پەیوەندییەکا جبەرو ئیدارەو ۋېڕاوەبەریۆ جە قامیشلۆ جە لایەنو هامسەرۆکا ئیلهام ئەحمەدۍ و فەنەر گێتی و هەر دووە یاگەگیرەکاشا گوڵستان عەلیۍ و ڕۆبێل بەهۆیۆ خېرامایشا کریا.

'سەرۋنەدای شاندی پی جۊرەیە گرنگا'

دماو یاوایشا، ئیلهام ئەحمەدە خېرئامای شاندەکەیش کەرڎو پنەش ئەرەیاۋنۍ جە کاتۍ چامنەنە کە هەرێمەکە بە ئاژێوە سەختەرە مویېەرۆ، ئامای ئی شاندەیە گرنگا. ئەوەکۊشای ئاڎیشایچ پەی چارەسەر کەردەی ئاڵۆزییەکا جە سووریانە بەردەواما.

'نیایرەو پەیوەندی چنی ئیدارەو ۋێڕاوەبەری'

بە پاو زانیارییەکا کە جە شاندەکەیۆ هۊرگیریان، پەی ئشناسای سیستەمو دیموکراتیکی و شێوازەکا جابەجێکەردەی ئامېنۍ پەی هەرێمەکەی و پڕۆژەو ئابووری پێشکەش بە ئیدارەو ۋێڕاوەبەری مکەرا. هەرپاسە ئەرەیاۋناشا سەختی و ڕگیریەکا ۋەردەمو ئیدارەو ۋێڕاوەبەری مېیاونا بە وەزارەتو جبەرو دۊڵەتا یۊبیەی ئۊرووپای.

شاندەکە کە دووۍ ڕوۍ جە هەرێمەکەنە مەناوە؛ سەردان و گلېرۊبیەکاش چنی پارتە سیاسی، ڕێکوزیا و چالاکا مەدەنی بەردەوام مکەرۆ.