ئەرەنیشتەو دماینو دۆزەکەی جە ٤ەمین دادگاو سزا قورسەکا ئامەدینە ئەنجام دریا و سزا سەرو ئەنداما کۆمیتەو ئامادەکاری نەورۆزو ٢٠١٦ەو ئامەدیرە بە نامەکا؛ حافیزە ئیپەکۍ، ڕەمەزان کاڤاڵ، عبدولغانی ئاڵکان، حوسنو پەرڤان و مەحمود چیتچی-رە بە تۆمەتو "سەرپێچی دژو یاساو گلېرۊبیەی و ۋێنیشاندای" پەنچ مانگۍ زینانیشا سەرەرە سەپیا.

تۆمەتی زیاتەر

هەرپاسە بە تۆمەتو "ئەندامیەتی ڕێکوستەی" شش ساڵۍ و یەرۍ مانگۍ سزاو زینانی کەردەی سەرو ڕەمەزان کاڤاڵیرە سەپیا.

دۆزەکە جە دماو نەورۆزو ٢٠١٦ کریاوە و ئەنداماو کۆمیتەکەی بە تۆمەتۊو "ئەندامیەتی ڕێکوستەی"، "پڕوپاگەندەو ڕێکوستەی" و "ئەنجامدای گلېرۊبیەی نایاسایی" دادگایی کریۍ.

جە دادگایی یووەمەنە قەرارو بێتاوانیشا دریابۍ، بەڵام دادگاو لوایۆ پۊرەی ئی قەرارشە هۊرشێوناوە و قەرارشدا سەرجە نۆ دۆزەکە بکریۆوە.