کۆنگرەو گلېرگەی دیموکراتیکی ئۊرووپای (کەجەدەکە-ئە) بە پەیامێوە جەژنەو سەرەتاو نیسانی (چوارشەممە سور)یش پیرۆزە کەرڎة و داواو دڎانیایش بە ستاتۆو شەنگالیرە کەرڎ.

جە پەیامەکەو کەجەدەکە-ئەینە هیوا و چەماڕایی ئاشتی، ستاتۆ و ئازادی پەی گلېرگەو ئێزدی بە ئاوات وازیان و ئامان: "ئێزدی کە قەڎیمیتەرین باوەڕداری و چاندو ۋەرکۊتوو مېیامینیا، جە تاریخەنە ڕووبەڕوو چڼین کۆمکووژی و فەرمانا بیەنۆ. ئارۊیچەنە هەڕەشەکۍ سەرو باوەڕی، بیەی نەتەوەیی و چاندو کوردا ئێزدی درێژەشا هەن. حکومەتو عێراقی چی مانگە مبارەکېنە درێژە بە هەڕەشەکاش مڎۆ سەرو گەلی ئێزدیما."

جە پایەمەکەنە ئاماژە بە هەڕەشەکا دۊڵەتو تورکی سەرو شەنگالی کریان و بانگەواز پەی پارېزنای چاند و ئاینی ئێزدییەکا کریان.

پەیامەکەو کەجەدەکە-ئەی پی جۊرە بەردەوام بۍ:

" بۆنەو ئی جەژنېوە مشۊم گرڎو ڕێکوزیا، باوەڕی و ڕای گرڎی ئێزدییا ۋەرپرسیاری یۆبیەی و ڕێکوستەبیەی گېرانە ئەستۆ و بە جە ئامێزگېرتەی شەنگالیوە جە گرڎ یاگێنە مڎرامانی گۊرە بکەرا تا یۊبیەی ئێزدییا مېنە ئاراوە و ستاتۆ و بنیاڎنیای شەنگالی وەش بۆ.

پەنەوازا گرڎو کوردەسانیا و دۊساشا جە ئۊرووپا، پەی ئانەی ئەوەکۊشای بیەو گەلو ئێزدیما بیاوۆ بە ستاتۆیۍ، بە شێوێوە چالاک درێژە بە کۊششەکاشا بڎا. پەی ئانەی شەنگال بۆ بە خاوەنو ستاتۆیۍ، پەنەوازا جە چڼین دەڤەرۍ ئۊرووپای و جەهانینە چالاکی دیبلۆماسیۍ ئەنجام بڎریا. ئەرکی بنەڕەتییمانە بە واوەی کەردەیۆ ئینەی پەی گەلا جەهانی، دیسان هەنگامەی کاریگەرە بنیەیمۍ.

پېسە کەجەدەکە-ئە جەژنەو چوارشەممە سوری جە گەلو ئێزدیما پیرۆزە مکەرمۍ و هیواڎارێنمۍ ئی جەژنۍ پەی گەلو ئێزدی و کوردا بۊنە بە مەڵامەتو، ئاشتی، ستاتۆی و ئازادی."