ئەرەیاوناکەو کۆمیتەو گەلی و بڕوادارییەکێ کەجەکەی ئاماژە پانەیە کریان، گەلوو ئێزدی ئینا چێرو هەڕەشێ و تەرسێ کاریگەرینە و وچیان: "بەهێزتەرین جواب جە دژو قڕکەردەی، بێگومان هۆشمەندیی دیموکراتیکا، ئەوەکۆشای دلێ یۆبییەینە، هەمیشەیی کەردەی ئیدارەو وێڕاوەبریا بە بنیادنیاو گلێرگەو دیموکراتیکی."

پەیامەکەو کەجەکەی پی جۆرەنە:

"جەژنەو چوارشەممەی سوری ساڵەو ٢٠٢٥ی زاینی جە گەلوو ئێزدییما موبارەک مکەرمێنە. بە نامێ تەڤگەریماوە ئی جەژنێ ج گەلوو ئێزدیما موبارەک مکەرمێنە کە سەرو ڕەگوریشەو وێشا سەرجەنۆ وێشا خوڵقناوە، چنی بەها بەهێزە کۆنەکا یەکانگیر بی، بییەو وێشا هەمیشەیی کەرد و بە هەنگامەی ئازادی ئایندەو وێشا بنیاد منیا. هامکاتەنە ئی ڕووەیە جە کرڏو کوردا موبارەک مکەرمێنە کە چوارشەممە سەرەتاو نیسانی پێشوازی چی ڕووەیە مکەرمێنە، هیوادارێنمێ جەژنە پەی گرڏو گەلا هەرێمەکەی بۆنە مەڵامەتو دیموکراسی، ئازادی، ئاشتی، واڵەو-برایەتی. ئی جەژنێ چنی وێش ئاسوودەیی پەی گەلوو ئێزدی، کوردا و تەمامو ئینسانییەتی بارۆنە.

ئێساڵ شەنگالەنە، بەمەڵامەتو فشارو دۆڵەتو تورکیۆ، گەلوو ئێزدیما چێرو هەڕەشێ قڕکاری دۆڵەتو عێراقینە ئامادەکارییەکێش پەی موبارەک کەردەو جەژنەو چوارشەممەی سوری مکەرۆ. پی مەڵاماتە گەلوو ئێزدییما دووچارو هەڕەشێ و تەرسێ کاریگەری بۆنە. جە وەراوەرو هرووژمە قڕکارییەکانە، پەی گەلوو ئێزدیما تاکە ڕێوە پارێزناو بییەو، مسۆگەر کەردەو گلێرگەی و مانادارکەردەو بییەو ڕێکوزتەین بە هۆشمەندی دیموکراتیی، ئەوەکۆشای  ئینا یۆبییەینە. پەنەوازی پانەیە کریۆ دەروێشی عەبدی و ئەدولییەکێ سەردەمی خوڵقنانە، ئەوەکۆشای پی جۆرە زێد و ئێزدی، ئێزدیایەتی بە ڕوحێوە بەهێزۆ پارێزمێنە. پۆکەی مانادارترین جواب و گەلوو ئێزدی جە دژو هرووژمە قڕکارییەکا ئانەن گلێرگەی دیموکراتیک بنیادنریۆنە، کە دماڕۆژ بە شناسنامەو کۆمەڵایەتی وێشۆ مسۆگەر مکەرۆ. هەرپاسە سەرو بنەماو هەمیشەییکەردەو سیستەمو مۆدێلو ئیدارەو وێ ڕاوەبەری بەهێزکەردەو ڕێکوزتەی.

گەرەکمانە یاڏش وستیمێ ئەر جە شەنگالەنە 'ئەرەمەزنارەو گلێرگەو دیموکراتیک' ی بێ ئاراوە، ئانە کاریگەریێ گۆرە سەرو پانئپیشتوو کوردەسانی منیۆرە، سیستەمو سیاسی پانیشتوو کوردەسانی دیموکراتیک مکەرۆ و ئیدارێوە ڕۆشنو و دادپەروەری خوڵقنۆ. پی بۆنۆ بانگەواز جە گەلوو پانیشتیما مکەرمێنە ئەوەکۆشای جە شەنگالەنە پێسەو ئەوەکۆشای دیموکراسی وێش وینۆنە، خاوەنداریش چنە بکەرۆ، بەشدار بۆنە و هامکاری بکەرۆ. ئی بانگەوازەما چەنی گرڏو ئا کەسانە کە گەرەکشانە عێراق دیموکراتیک بۆنە.

گەلوو ئێزدی قارەمانیما؛

جەژنەو بڕواو چوارشەممەی سوری جەژنەو ژیوایۆ و خولقنایمانە. گەلوو ئێزدیما بە درێژای تاریخی بە ئەوەکۆشای وێش، سەرو ڕاو ڕەخسناو ژیوایۆ و ئاوابییەو کۆمەڵایەتی بەرەو وەڵێ لوا و بە ئەوەکۆشای وێش یاونا پی ئاستە. ئیسە کاتو ئانەین جەژنەو چوارشەممەی سوری بە پاو ڕوح و باوەڕی وێشۆ بۆنە مەڵامەتو ژیوایۆ و تازەبییەی. بە تایبەتی ئا ئەوەکۆشایە جە شەنگالەنە بریۆڕاوە،. پۆکەی ئەنجامەکێ کە ئەوەکۆشای کوردا، بەتایبەت گەلوو ئێزدییما کە هێماو ئەخلاقو گلێرگەین، جۆشوخرۆشو جەژنی چوارشەممەی سوری ٢٠٢٥ فرە زیاتەر مکەرۆ.

بانگەواز مکەرمێ پێسەو گەلی جەژنەو چوارشەممەی سوری یاونە مەڵامەتو یاواینە و درووسی پرۆسەو ئیسەی. گەرەکمانە ئانەیە باسکەرمێوە پەنەوازی ئی سەردەمەو هامکاری، پەشتیوانی و هامبەشکەردەی فارییای ڕێکوزتێوە فرە بەهێزا و گۆرەن کە کلتووری گەلوو کۆنیمانە. پێسەو گلێرگەو پارێزناو بەها ئەخالاقییەکاما، بەهێزکەردە و هامسایەتی، قۆمایەتی و دۆسایەتی پێسەو پەنەوازیێ پەی ڕووبەڕووبییەیۆ قۆناغو سەختا خەباتی بە یۆگێرتەی وینمێنە. بانگەوازی مکەرمێنە ئت بەها کۆمەڵایەتیێ سەرو هێڵەو وڵاتپارێزی و بە هۆشمەندی ئاپۆیی پەرەشپنەدریۆ، ڕێکوزتەو نەتەوەیی دیموکراتیکی و هەرمانەو بنیادنیاو گلێرگەی دیموکراتیکی دەسپنە بکەرا، زەمینەو ئینەیە ڕەخسنانە.

گەرەکمانە یاڏو گەلوو ئێزدیما بارمێ جە وەراوەرو ئەگەرو تەرسەو ئیسەو وێ پارێزنای بەهێز بکەرۆ. دەستنیشانش مکەرمێنە مشۆم ئایندارا ئێزدی چی بابەتەنە بە دەورو سەرمەشقایەتی هورسا. ئینایمێ جا  بڕوێنە ئێزدی بە بەهێزکەردەو یۆبییەی دلینەی جە دژو هرووژمە قڕکارییەکا، فشارە قیزەونەکێ و جەنگی تایبەت، بە بەهێزییۆ ئەرکو وێشا جە ئەوەکۆشاینە جابەجێ بکەرا. پی ویر و بڕوێوە جارێوە تەر جەژنەو نەورۆزی موبارەکە کەرمێنە.

جە کەسێتی برنەڤش، خانێ، مام زەکی شەنگالی، دژوار فەقیر و زەردەشتەکانە گرڏو گەشمەرڏە قارەمانەکاما یاڏوسمێ، کە پاسەشا کەرد تاومێنە بە جۆشوخرۆشۆ ئی جەژنە گۆرێ موبارەکە کەرمێنە و قەولما واوەی مکەرمێوە دۆزو دیموکراسی و ئازادی یاونمێ بەسەرکۆتەی، کە ئاڏێ گیانس وێشا بەخشا.