سەرۆکو گرڏی ئەمەپەی سەید ئاسڵان ئاماژەش پانەیەدا جە ئیسەنە ئەوەکۆشای هامبەش پەنەوازییا و واتش: "دەسەڵاتداری جە ئەوەکۆشای یۆگێرتەو بەینو گەلوو کوردی و ڕەنجدەرا تورکیای تەرسۆنە.
تورکیانە دماو ئانەی سەرۆکو شارەوانی گۆرەوشارو ئەستەنبوڵی چنی ١١کەسێ تەرێ جە ١٩و ئادارینە زینانیێ کریێ، پڕۆسێوە تازە دەسش پنەکەرد. جە چن ناوچێ تورکیاینە باڵبسەکەردەو ئیمامئۆغلۆی شەرمەزار کریا و ئی چالاکییێ پەی ئۆپۆزسیۆنی و گلێرگەی، قسێ تازێش ئاردێ ئاراوە. سەرۆکو گرڏی پارتو ڕەنجدەرا، سەید ئاسڵان دەربارەو پەرسەو ناڕەزایەتی کۆمەڵایەتی و مشتومڕەکێ سەرو ئەوەکۆشای هامبەشەکێ دماو چالاکیی شەرمەزارکەردەکا ساراچهانەی ئامێ ئاراوە، جە ڕاو ئاژانسو هەواڵو فوراتی (ANF)یۆ هور سەنگیێ.
سەید ئاسڵان ئاماژەش پانەیە دا ئا ناڕەزایەتیەی جە ساراچهانی ڕووەشدا جە پۆتێنساڵو جەهەپەی گۆرەتەرا، بە تایبەتی هەڵوێسو ونکارا پی بە مەڵامەتو گۆرە بییەو ئەوەکۆشای و یاڏش وستیمێ گفتوگۆ کەردەی سەرو ئەوەکۆشای هامبەشی ماوێوە فرەن کریۆنە و واتش: "ئی ناڕەزایەتیە جەماوەرییە کە بە هەڵوێسو ئەوەکۆشای جوانا زانکۆی گەش بی، چی پڕۆسەنە گرڏ کەسێ باسو ئەوەکۆشای هامبەشی کەرێ، بەڵام پەی ئانەی بە ڕاو و ڕێبازێوە ڕۆشن هەنگامە نەنریا. بێگومان مەڵامەت پەی ئینەیچ هەن. دۆخێ کە پەیوەندیش بە یاواینەو ئێمە هەن کە چنین جە ئەوەکۆشای هامبەش و یۆگێرتەی یاومێنە. مەبەس جە ئەوەکۆشای هامبەش مشۆم بەدی هێنانیئاردەو یۆبییەی گەلی و ڕەنجدەرا بۆنە، یۆبییەو چینو کرێکارا بۆنە.
تەڤگەرو جەماوەری دماو ئاندی جە ١٩و ئادارینە ڕووەشدا، تەرسیش وستە دلێ دەسەڵاتدارییۆ و نیشانەش دا. ئی تەڤگەرە جەماوەرییە بی بە جوابێ، بەڵام دیسان مشۆم واچمێ دلێ سنوورەکا سیستەمینە مەنۆ. جە پەرسەو ئەوەکۆشای هامبەشینە مشۆم تایبەتمەندی ئەزموونو ئیسەی وەرچەم گیریۆنە و بە پاو داوای هامبەشێ بە خێرای بەرەو گەلی ڕێکوزیا کەرمێنە. ئی بەرەو گەلی بۆنە هەنگامەو دەسپێکێ کە گرڏو پارتە سیاسییەکا، ڕێکوزیا پیشەییەکێ و سەندیکاکی دلێشنە یاگێ گێرا و جە مێڏانو دلینەینە دەس پنە بکەرۆ و یۆبییەی بنیادبنیا."
جە بەردەوامی قسەکاشەنە ئاسڵان ئاماژەش پانەیەدا دەسەڵاتداری بە تایبەت هەوڵ مڏحنە ئەوەکۆشای یۆگێرتەو ئازادی گەلوو کوردی و ئەوەکۆشای ڕەنجدەرا و کرێکارا ئاستەنگ بکەرۆ و واوەیش کەردۆ دەسەلاتداری فرە چی یۆبییەیە تەرسۆنە و واتش: "دەسەڵاتداری و سەرمایەداری هەمیشە هەوڵمدانە تەڤگەرو جەماوەری یان ئەوەکۆشای یۆگێرتەی ، کرێکارا و گەلوو کوردی پارچە کەرۆنە و، بێکاریگەرێشا کەرۆ. جوانێ چی پڕۆسەنە بە دەورێ گرنگ ئەرەپڕێ. ڕەنجدەرێ و کرێکارێ کوردێ و تورکی وینمێ پەرسەکێشا هامبەشەنە و زیاتەر هەست پینەیە مکەرا."
جە دمای قسەکاشەنەئاسڵان ئاماژەش پانەیەدا پێسەو پارتو ڕەنجی داواو فرەو چینو کرێکار و داواو ئازادی و یەکسانی گەلوو کورد ی جە پڕۆسەو ١و گوڵانینە پێوەرە بەرزکریاوە و واتش: "پەی بنیادنیاو ئەوەکۆشای هامبەش و بە هێزکەردەی، جە ئەوەکۆشاینە بەردەوامینمێ."
