داواکاری تازە پەی دیڎاری چنی رابەروو گەلوو کوردی وزیا ڕووە
پارێزنەراو نویسینگەو یاسایی سەڎەی بەمەبەسوو دیڎاری چنی رابەروو گەلوو کوردی عەبدوڵا ئۆجالانی و زیڼانیا تەرو ئیمڕاڵی، جارێوەتەر داواکاریشا وست ڕووە.
بەمەبەسوو دیڎاری چنی رابەروو گەلوو کوردی عەبدوڵا ئۆجالانی کە ئینا چێرو گۊشەگیری سەختوو ئیمڕاڵینە و چەمپنەکۊتەی زیڼانیا تەرو ئیمڕاڵی، پارێزنەراو نویسینگەو یاسایی سەڎەی سەردای داواکاروو گرڎیینوو کۆماریشا جە بورسا و ڕاوەبەرایەتی زینڎانوو ئیمراڵی کەرد.
پارێزنەراو نویسینگەو یاسایی سەڎەی ئیبراهیم بیلەمەز، جەنگیز یورەکلی، سوزان ئاکیپا و عەمران ئەمەکچی،پەی ئانەی بتاوا موەکیلەکاشا عەبدوڵا ئۆجالان، عومەر خەیری کۆنار، حامیلی یەڵدرمی و وەیسی ئاکتاشی بوینا، داواکاریشا وست ڕووە.
دماین دیدارو پارێزنەرا چنی ڕابەر ئاپۆی جە ٧و ئابو ٢٠١٩ینە بۍ کە حەریۆ جە پارێزنەرا نوسینگەو یاسایی سەدەی؛ ڕەزان ساریجا و نەورۆز ئویساڵە ئەنجامشا دا.
