لە کۆبانێ بە تایبەت لە گەڕەکی کانی کوردان کە بە ژینگەی لەبار بۆ  کوشتوکاڵ ناسراوە، دایکان بێستانی ساڵانە ئامادە دەکەن. لە وەرزی هاوییندا بەرووبوومی هاوینە، باینجانی ڕەش، بیبەر، خەیار، فاسۆلیا و هتد.. دەچێنن. لە زستانیشدا پیاز، سیر، سپێناخ و چەوەندر دەچێنن.

 دایکان هەم بۆیسەکان دەچنن و هەم کاری باخەوانیش دەکەن. ئاژەڵداریش وەک مەڕوماڵات و مانگا بە خێودەکرێت و ماست و پەنیرێکی زۆر دەبخشێتە بەشێکی زۆری شارەکە.

'خاکەکە ئامادە دەکەین'

خالیدە محێدین ئاماژەی بەوەدا کاری سەرەکییان لە کانی کوردان کوشتوکاڵکردنە و گوتی: "ئێستا دەست بە فرۆشتنی خەس دەکەین. پێش چاندنی هەر بەرهەمێک، خاکەکە جووت دەکەین و پاشان بەرهەمەکانمان دەچێنین، دواتر کیمیایی و ئاوی دەدەین."

'ژنان ژیان دابین دەکەن'

خالیدە ئاماژەی بەوەدا ئەوا شەش ساڵە دەستی بەکاری کوشتوکاڵی کردوە و گوتی: "بەهۆی سەرما و بارانی کەمەوە، خەس زۆر ناچێنرێت. ئێمەش وەک دایکان ئەرک دەخەینە ئەستۆی خۆمان، بە دەستی خۆمان کاری چاندنی بەرهەمەکان دەکەین. دوو ساڵە پەتاتە دەچێنین و پاشان بەرهەمەکان دەفرۆشین. ژنان دەتوانن هەموو شتێک بکەن، دەتوانم باخداری بکەم و هەمیش دەتوانم کارەکانی ماڵەوەش بکەم."