نەخۆشخانەی (Florence Nightingale) دەربارەی ڕەوشی تەندرووستی ئەندامی شاندی ئیمراڵی دەم پارتی و جێگری سەرۆکی پەرلەمان، سری سورەیا ئۆندەر ڕاگەیاندراوێکی بڵاوکردەوە، دووپاتی کردەوە هێشتا مەترسی لەسەر ژیانی ئۆندەر هەیە.

لە ڕاگەیاندراوەکەدا گوتراوە: "پاش نەشتەگەرییەک کە نزیکەی ١٢ کاتژمێری خایاند، نەخۆشەکەمان کە بەڕێز ئۆندەرە، ئامێری ECMO (ئامێری هاوکاری پاڵنانی خوێن)ـی بۆ دانراوە و لە بەشی چاودێری چڕی نەخۆشخانەکەمان دەمێنێتەوە.

هێشتا مەترسی لەسەر ژیانی بەردەوامە".