جە کەسایەتی ۋێشەنە حەزکەردەی جە هونەری کوردیش درک پنەکەرد و پەرەپنەدای پا حەزەیشە کەرد بە ئەرکێوە. بە ئامانجوو پێکئاردەی خیاڵاکا ئاینڎەیش هەرمانەی فرێش کەردە و ۋێش وەڵێوست. ئا زاوڵۍ کە چنی شۆڕشی گەورۍ بیۍ و گرڎ جۆرە ئێش و ئەشکەنجێوەشا دیەن، هێزو ۋێشا جە شۆڕشوو کوردسانیوە هۆرگێرت، کە جە بوارو فکری و هونەرینە بەرەو وەڵێشا دەبات. کەمال خەلیل جومعەی ٢٢ساڵان ئینا شاروو کۆبانێنە، خۆنکاروو بەشی پزیشکییا جە زانشتگەو ۋەرنیشتی. جومعە پەیوەس بە خیاڵ و کارە هونەرییەکاش

پەی ئاژانسیما قسێش کەردۍ.

جە ١٨ ساڵییوە دەسش بە هونەرەکەیش کەرد

کەمال جومعە ئانەش ئاشکراکەرد کە جە تەمەنی ١٨ ساڵییوە دەسش بە هونەرەکەیش کەردەن و دەسش بە ژەنای ئامێرو تەمبووری کەردەن پی جۆرە بەردەوام بی: " تەمبوور لاو منۆ ئامێرە مۆسیقایەکەش گرنگا و جە ژیۋایمەنە یاگێوە تەیبەتەش هەنە. من جە ١٨ ساڵی تەمەنیمۆ دەسم پی هونەرەیە کەردەن. وەڵتەر حەزم جە تەمبووری بۍ.  هەر کۆڕوکۆبیەیۆێم پەی ڕەخسابیۍ گۆرانیۍ واچێنۍ، چوونکی حەزکەردەی بە دەنگیم بۍ. پەی فێربیەی ژەناو تەمبووری هیچ کەسێ دەسش نەگێرتا و هەر پەی ۋێم فێربیا. هەرچەنڎە سەرەتاکێم قورسۍ بێنۍ. وەختم کەمبۍ بە مەڵامەتوو ۋەنایۆ، بڕۍ هامڕێم لوێنۍ پەی پەرەوەردەو تەمبووری پۆکەی بڕۍ چێو چاڎیشاوە فێربێنا."

کەمال جومعە سەرەنجش وست سەروو پەیوەندی بەینوو مۆسیقای و بەربڕیەی و واتش: "من دووۍ جارۍ ئینانا سەروو شانۆیۆ کە هەم تەمبوور مژەن و هەم گۆرانیێچ ماچوو. یان جاری پاسە بیەن تەنیا تەمبوورم ژەنان. پۆیە هەست کەرێنا جە بەینوو ژەنای و گۆرانی واتەینە پەیوەندیێوە بەقوەت هەن. متاومۍ واچمۍ کە ئا دوۍ بێ یۆترینی مەبا و تەمامکەرۍ یۆترینینۍ. یاگۍ دڵوەشیمانە جە سایەو شۆڕشوو ۋەرنیشتیوە هونەرەکەیما بەرەو وەڵۍ بەرمۍ، جە بواروو چاندی و هونەرینە خەیاڵەکاما پێکمارمۍ. هونەروو ژەنای تەمبووری پەی کوردی فرە تایبەتا، وەختۍ کوردێوە تەمبوور مژەنۆ چا ڕێوە گەلێوە ئێش و ئازار، ڕازەو مدرامانی و شاڎیی ئی گەلەیە بەربڕۆ. مەڵامەتوو ئینەیچ ئانەنە گەلوو کوردی بەچەنڎین ئێش و کۆمکوشینە ۋییەران. پۆکەی داواکارەنا جە جیلی تازەنە حەزشا جە کام هونەرەینە چنەشەنە پەرەبەوێشا بڎا و دەسبەردارۍ وەرمەکاشا نەبا."