لە قامیشلۆ و دەرباسیەنە هەزاران کەسێ ئامێرە مەیدانەکا و گۆشەگیری سەروو ڕابەروو گەلوو کوردی عەبدوڵا ئۆجالانی و هجوومی ئەرەگیرکاری سەروو هەرێمەکاو پارێزنای مەدیایشا شەرمەزارێ کەردێ.

قامیشلۆ و دەرباسیەنە، هەزاران کەسێ بەشدارێ بیێ جە ڕاپیمایەکەو تەڤگەروو گەنجە شۆڕشگێڵنا، قەدەغەو دیداروو ڕابەرو گەلو کوردی عەبدوڵا ئۆجالانی و زیندانییە سیاسییاشا بە نامێ "سزاو دیسپلین"یوە و هجوومی ئەرەگیرکاری سەروو هەرێمەکاو پارێزنای مەدیایشا شەرمەزارێ کەردێ.

هەزاران کەسێ دلێشانە نوێنەروو پارتە سیاسییەکا و ئەنداماو ڕێکوزیا مەدەنییەکا، گەنجێ و ژەنی بەشداریی ڕاپیمایەکەی بێنێ.

پۆستەرێ ڕابەروو گەلوو کوردی عەبدوڵا ئۆجالانی و پانکارتێ "دژوو خیانەتو ئەرەگیرکاری، سەرە وزە سەرو ئازادی" و "بێ سەرۆکی ژیوای نمەبۆ" بەرزێ کریێوە.

قامیشلۆ

ڕاپیمایەکەو قامیشلۆی چوارڕاو گەشمەردە ڕوباریوە دەسش پەنە کەرد و وەردەموو مەزارگەو گەشمەردە دەلیل سارۆخانینە مدرا. چاگە ڕاوەبەروو یۆبییەی ژەنە گەنجاو کانتۆنوو جەزیرەی میدیا عەبدولرەحمانە تیشکەش وستە سەروو پلانە ئەرەگیرکارییەکاو دەوڵەتی ئەرەگیرکەروو تورکی دژوو کوردستانی.

میدیا عەبدولرەحمانە بەشداریی پەدەکەیش هجوومەکاو دەوڵەتوو تورکینە پەی سەروو هەرێمەکاو پارێزنای مەدیای شەرمەزارێ کەردێ و شێوازوو خێرامایشا ونەو ئەردۆگانی هەولێرنە ویر وستۆ.

میدیا قەراروو دەسەڵاتو تورکیش پەی قەدەغەو دیداری چەنی  ڕابەروو گەلوو کوردی عەبدوڵا ئۆجالانی و بێدەنگیی هێزە میاننەتەوەییەکا وەراوەروو گۆشەگیریوە پێسەو سیاسەتوو قڕکەردەی دژوو کوردستانی نرخنا.

هامسەرۆکوو یۆبیەی گەنجە وەڵێکەوتەیوازاو سوریانی سوبحی مەلەک سڵامش کەرد وەنەو مدرامانوو گەریلاکاو ئازادی و قەسەدەی، پەشتگیریی وێشاش پەی گەریلاکا بەروست.  

سوبحی مەلەک واتش تا بەدیئاردەیی ئازادی جەسەیی ڕابەروو گەلوو کوردی عەبدوڵا ئۆجالانی و دلێنەبەردەی پلانەکاو دەوڵەتوو تورکی درێژە بە کۆشیای مڎانێ.  

دەرباسیە

 دەرباسیەنە سەدان کەسێ وەردەمو مزگیی حاجی سوڵتانینە ڕاشا پیما، ڕاپیمایەکەی بازاڕو ناوەندینە مدرا. چا ئەندامەو دەسوەڵیوزیی گەلی پەی ئازادیی عەبدوڵا ئۆجالانی دەرباسیەنە، ڕازیە محەمەدە هجوومە ئەرەگیرکارییەکاو دەوڵەتو تورکیش پەی سەروو هەرێمەکاو پارێزنای مەدیای و قەدەغەو دیداری چنی ڕابەروو گەلو کوردی عەبدوڵا ئۆجالانی شەرمەزارێ کەردێ.

ڕازیە محەمەدە واتش تا بەدیئاردەی دادپەروەری پەی ڕابەروو گەلو کوردی عەبدوڵا ئۆجالانی و دووروستەیوە ئەرەگیرکەرا کوردستانەنە، گرد مەیدانێونە درێژە بە کۆشیای مڎانێ.