شەنگالییەکاو دلۍ کەمپەکا پانیشتوو کوردسانی بەش بەش گێڵاوە پەی خاکوو ۋێشا. هێزی ٧٠ بنەیانۍ گێڵێوە و بە جۆش و خرۆشۆ جە تەرەفوو گەلیوە خێرامایشا ۋنە کریا. چەمەڕا کریۆ ئارۆ ٧٩ بنەیانۍ تەرێچ گێڵاوە پەی نیشتمانەکەیشا جە شەنگالەنە.
جە کەمپەکا مام ڕەشانی و ئێسیای جە دھۆک ٧٠ بنەیانۍ شەنگالی گێڵێوە پەی خاکوو ۋێشا.
شەنگالیەکۍ جە دەگا و گلێرگەکا شەنگالینە وەڵۍ بیێوە و ئەرەنیشۍ بیۍ.
هێزی وێرەگا کۆچبەراو شەنگالی یاوێوە شەنگال و بە جۊش و خرۆشۆ جە تەرەفوو گەلەکەیشاوە پێشوازیشا ۋنەکریا.
چەمەڕا کریۆ ئارۆ ٧٩ بنەیانۍ شەنگالی جە کەمپو مام ڕەشانیۆ گێڵاوە پەی خاکوو ۋێشا.
بەپاو قەرارەکەو حکومەتوو عێراقی، کەمپەکاو پانیشتوو کوردسانی تا ٣٠ی تەمموزی مشۊم چۆڵۍ بکریا.
پۊکاتی گێڵایۆ پەی شەنگالی دەسش پنەکەردەن.
سەرەڕاو ئاستەنگیەگا پەدەکەی، شەنگالیەکۍ دلۍ کەمپەکا وەختۍ دەرفەتشا پەی ڕەخسیۆ گێڵاوە پەی ماواو ۋێشا.
حەرپاسە ئیدارەو خۆسەری شەنگالی پێشوازی جە کۆچبەرا مکەرۆ و یاردەیشا مڎۆ پەی ئەرەنیشتەبیەی.
