جە بڕۆکسل-و پایتەختو بەلجیکا-ی، ژمارێو چالاکوانێو هاموڵاتیێ کوردێ ئەرنیشتیێ ئا وڵاتەیە، جە وەردەم باڵیوێزخانەو ئێراق-یەنە کۆبیێوە و چالاکیشان ئەنجامدا.
چالاکییەکە دژ بە دەستگیر و زیندانیکەردەی دەنگە ناڕاییەکێ پانیشت (باشور)و کوردستانی جەلاو دەسەڵاتداری پەدەکە و یەنەکە-ی ئەنجام دریا.
بەشداربیەکێ چالاکیەکەی بە بەرزکەردەی وێنێ دەستگیرکریێ و زیندانیکریاکانو باشوری و بە هوتاف کێشتەی، وازیارێ ئازادی سەرجەمیشان بێنێ. هامکات پەشتیوانیشان جە داواکاریەکێ گەلی ناڕازی کەردێ کە دەسەڵاتی بێبەشێ کەردێنی جە مووچەی و خزمەتگوزاری و قوت و سامانشان بەهەدەر مەدریۆن.

جە چالاکییەنە سەبارەت بە بارودۆخو باشوری چەنڎین وتارێ بە زوانەکێ کوردی و ئینگلیز و فەڕەنسی و عەرەبی پێشکەشێ کریێ و جەمیانشانە، جە ڕاو باڵوێزخانەکەیش جە بڕۆکسل، داوا جە حکومەتی ئێزاقی کریا تا وەرانوەر بە دەسەڵاتداری هەرێمی و گوزەران و ژیوای گەلی جە باشور خاوەن هەڵوێست ببۆنە و سنور پەی ستەم و زۆرداری دەسەڵاتی کوردی بنێۆرە و بە ئەرک و وەرپرسیاری وێش بەجا باوەڕۆن.

هامکات سیاسەتی جەنگەران و شەڕەنگێزانە شەرمەزار کریا کە پەدەکە پەیڕوەش مەکەرۆن و داوا کریا ڕاگیریش ونە بکریۆن و ڕا بە هۆرکیرسنای جەنگی کورد بەکوردی نەدریۆنە و سنور پەی پەدەکە-ی و سیاسەتە خەڵەتەکاش بنریۆرە.