جە پانیشتو کوردستانی بێکاری جە سەدەنە ٢٥ی نزیک بییەنەوە و سەندیکاو بێکارانو کوردستانی هۆکارو بەرزبییەی بێکارییەکەی پەی بێ بەرنامەیی حكومەتی مەگەڵنۆنەوە. هامکات چەنی بێکاریەکەی، ئاساییشی کاری لاوازەن و سەرەتاو ئێساڵی تا ئیسە ١٦ کرێکارێ گیانشان جەدەستدان.
هەرچەندە جە پانیشتو کوردستانی ئاماری فەرمی حکومی سەبارەت بە بێکاری وەردەست نییەن، بەڵام بەپاو پەیجۆری و شۆنیەرەلوای کە سەندیکاو بێکارانو کوردستانی کەردەن، ساڵ بەساڵ ڕێژەو بێکاری بەرزتەر مەبۆنەوە و جە ئیسەنە جە سەدەنە ٢٥ی نیزک بییەنەوە. بێکارەکێ زیاتەر گەنجێنێ و ئا وانکارێنێنی کە زانستگا و پەیمانگاکێشان تەمامنان.
سەندیکاکە ئاشکراش کەردەن: بێکاری جە ٢٠١٣نە سەدەنە ٧ بییەن. بەڵام جە ٢٠١٦نە پەی سەدەنە ١٤ی بەرز بییەنەوە. شۆنیشەرە ساڵ بە ساڵ ڕێژەکە زیاتەر بییەن بەجۆڕی کە جە سەرەتاو ئێساڵی ی٢٠٢٠ تا ئیسە، بێکاری جە سەدەنە ٢٥ی نزیک بییەنەوە.
بەپاو ستانداری جیهانی، بێکاری جە پانیشتو کوردستانی مەترسیدارەن و پەنەوازیش بە چارەسەری خێرا و ڕیشەیی هەن. چونکە بەپاو ستانداری جیهانی ڕێژەو بێکاری نمەبۆن سەدەنە ٥ دەرباز بکەرۆن.
سەندیکاو بێکارانو کوردستانی هۆکارو بەرزبییەی بێکارییەکەی پەی بێ پلانی و بێ بەرنامەیی حكومەتی و بێسەروبەرانە ئامای ژمارێوی فرێ کرێکارێ بینانی پەی هەرێمی مەگەڵنۆنەوە و وازیارەن تا حکومەت بە بەرنامە و پلانی هێقم ڕووبەڕوو دیاردەکەی ببۆنەوە و بیمە و زەمانی بێکاری و کۆمەڵایەتی پەی کرێکاران و گەنجە بێکارەکان مسۆگەر بکەرۆنە. هاوەخیت مشیۆم بە پاو پنەوازی ڕا بە ئامای کرێکارێ بیانیێ بدریۆنە.
هامکات چەنی بێکاریەکەی، ئاساییشی کاری جە پانیشتو کوردستانی فرە لاوازەن و حکومەت و دەسەڵات جە ئی بوارەنە کەمتەرغەمێنێ.
سەبارەت بە ئانەیە سەندیکاو بێکارانو کوردستانی ئاشکراش کەردەن: سەرەتاو ئێساڵی ٢٠٢٠ی تا ئیسە، ١٦ کرێکارێ جە کاتو کارکەردەیەنە گیانشان جەدەستدان و دەیان کرێکارێ تەرێ بریندارێ بینێنی کە فرێوشان بیمە و زەمانی کاریشان نییەن و جە دمای گیانجەدەستدایی و برینداربییەشیان قەرەبووی مادیی نەرکریێنیوە و مووچە پەی خانەوادەکانشان نەبڕایەنەوە.
