سەدان کەسێ شاروو سرینی، گەشمەرڎەو مەجلیسی سەروازیی مەنبەجی ئەیهەم سرین (محەمەد حوسێن)یشا، کە ٢١ و ئایاری سەروو هەرمانەکێشۆ گەشمەرڎە بی، مەراسیمێوی شکۆدارەنە بەخاکی سپارا.

مەراسیمەکە بە نمایشی سەروازی و دەیەقێو ڕێزگێرتەی دەسش پەنە کەرد. دمایی ئەنداموو مەجلیسوو سەروازیی مەنبەجی محمەد جەدر قسێش کەردێ و واتش: "گەشمەرڎە ئەیهەم بێ دووەدڵی پەی پارێزنای خاکەکەیش گیانش فیدا کەرد. ئارۆ ئێمەیچ سەروو ئی خاکە مەبارەکەیوە هەزاران گەشمەردێما بەخشێنێ، وەعد مدەیمێ وەراوەروو ئەرەگیراوە  سەرە ورڎەیمێ و درێژە بە ڕاو گەشمەرداما بدەیمێ".

هامسەرۆکەو شاروو سرینی فاتمە ئەحمەدە واتش سەیەو گەشمەرداوە یاوێنمێ پی حاسە و واتش: "ئینە خاکوو ئێمە و تاتەوبابایامانە، بە واڵە و برایی گەلا وەراوەروو دوژمنیوە سەرە ورمدەیمێ. وەعد مدەیمێ بە درێژەدای بە ڕاو گەشمەردا".

دمایی شناسنامەو گەشمەردا ونیاوە و دریا دەسوو بنەیانەکیشەوە،جەنازەو گەشمەرڎە بە واتەیوە درووشما بەخاکی ئسپارییا.