هیزی سەعات ٢٢:٠٠ سەروازێ دەوروو دەگاو نەنیاسوو سەر بە لجێو ئامەدیشا تەوقە دا، بە هەلیکۆپتەر و چەکی قورس هجوومشا کەرد سەروو دەگێکێ، یانێوی کە ژەن و زارۆڵەش چنە بێ کریا ئامانج. 

دماو ٤ سەعاتا و نیمی تەوقدایەکە دماییش ئاما و سەروازێ دەگێکێشا جیا ئاستە، ئۆپەراسیۆنەکەنە تاتەو ٤ زارۆڵا، محەمەد یەڵدرم عەمرەو خوایش کەردە، جەنازەکەش پۆلیس و سەروازەکا ئارد پەی پزیشکی دادوەریی ئامەدی، ماوێوە فرە زانیارییش سەر نەدریا، بنەیانەکە دماو بەیاننامەکەو وەزیروو دلێ عەلی یەرلیکایای هەژماروو وێشەنە میدیای دیجیتاڵینە، زاناشا کوشیان.

بنەیانەکە پەی ورگێرتەیوە جەنازەکەی ئامێ وەردەموو پزیشکی دادوەری، قەومێ زیندانییا و ئەنداماو ڕێکوزیا و پارتە سیاسییەکا و پەرلەمانتارا پەی پەشتیوانیی بنەیانەکەی ئامادێ بێنێ، نموونەو ونێ پەی دی ئێن ئەی- جە بنەیانەکەی ورگیریان و چەمەڕوانێ داواکاری گردینی مکەرانێ، ئەرەیاونیان دەوروو سەعات ٢٠:٠٠ جەنازەکە مدریۆوە بە بنەیانەکەی.