دووەم ڕۆو کۆنگرەکەیەنە خەباتوو دووە ساڵی وەڵینی تاوتۆ کریا، هامسەرۆکوو کەجەدەکە-ئەی کۆنگرەکەنە ئاماژەش پانەیە کەرد، هجوومی ئەرەگیرکاری سەروو کوردستانی ڕاو ئایینیوە ڕەوایەتییش پنە مدریۆ و واتش: "زانایاو کوردی بە هۆشیاریی ئیسلامی هەقەتین دژوو ئایینوو دەسەڵاتی کە سیاسەتی قێزەون مکەران، بە یاواینەی و پیادەکەرەی ئایینی هەقەتینی، هەرمانەی تارێخییەشا میاونا یاگێ".

کۆنگرەکەنە دا تیشکە وزیا سەروو سیاسەتوو ئاسیمیلاسیۆنی سەروو گەلوو کوردی ئەورووپانە بە هاندای و پەشتگیریی دەوڵەتوو تورکی، هەرپاسە ئاماژە کریا بە مۆدێلوو فێرکەردەی زانیاریی کوردی سەروو بناغەو ئیسلامی هەقەتینی و ئازادیی گەلوو کوردی، کۆنتڕۆڵکەردەی پەروەردەی و فێربییەی سەروو ئا بناغەیە بە ئامانج نریارە.

دمایی بە بەشداریی ١٤٥ نوێنەرا دەنگدای دەسش پەنە کەرد و مەلا شەوکەت چاکیر پێسەو سەرۆکی تازەو  جیکی هورچنیا.

دمایی ئەنجوومەنێوی ٣٣ کەسی دیاری کریا، ٣ کەسێ پێسەو لوجنەو دیسپلینی و ٤ کەسێ پێسەو لوجنەو چەمداری هورێچنیێ. دمایی پلانسازیی ٢ ساڵی ئایندەی وزیا وەردەموو نوێنەرا.

سەرۆکی وەڵینوو جیکی شەوکەت دەمیر و سەرۆکوو جمیەرو زانایاو ئیسلامی و کوردستانی هامچەرخی حافز ئەحمەد تورهالی هومێدو سەرکەوتەیشا پەی دەسەی ڕاوەبەریی تازەی واست و سوپاسوو ئامادەبییاشا کەرد.