مەنتێقەو ئەنتاکیاو هاتایینە چوارچوەو چالاکیی "کۆبییەیوە و دادپەروەری"ینە قوربانییاو کۆکوشیی ڕەحیانلی یادێ کریێوە، هامسەرۆکوو کۆنگرەی دیموکراتیکوو گەلا (هەدەکە) ئەسەنگوڵ دەمیر، هامسەرۆکی گردینوو پارتوو بنیاتنیایوەی سۆسیالیستی (سەیەکەپە) مەرتجان تیتز، پەرلەمانتاراو دەم پارتی عەلی بۆزان و زەینەب ئۆدوندوجو و سەباحەت ساریتاش و چندین هاموەڵاتێ بەشدارێ بێنێ، یادەکە جادەو ساکریاینە کریا. 

یادەکەنە لافیتەو "بژیوۆ مدرامانوو زیندان"ی و "دادگاو ئیستقلالی سەرنەکەوت و شمەیچ سەرێ نمەگندێ" و "ئێمە کۆکوشیی ڕەحیانلی جەیاد نمەکەرمێ" و "ئانێ واچێنێ کۆبانێ کەوتە، با بزانا کۆبانێ شکۆو ئێمەنە" و درووشـمێشا بەرزێ کەردێوە.

هامسەرۆکەو دەم پارتیی هاتای، سەحەر جەوهەرئۆغلووە قوربانییەکێش یادێ کەردێوە و واتش وەنەپەرسایوە جە بکوشا مکەران.

پەرلەمانتارەو دەم پارتی زەینەب ئۆدوندوجووە واتش، کە بکوشاو کۆکوشییەکەی دادگایێ نەکریێنێ پەوکای کۆکوشی ئامەد و پیرسوس و دیلۆک و ئەنقەرەنە ڕووەشا دا، ئەوەخوایش کەردۆ کە ئاکەپە-مەهەپە چی کۆکوشییەیە وەرپەرسێنێ و داواش کەردە، سیاستمەدارە زیندانییاو دۆزوو کۆبانێ ئازادێ بکریا و تاوانباراو کۆکوشییەکا دادگایێ بکریا.

هامسەرۆکەو سەیەکەپەی مەرتجان تیتزە کۆکوشیی ڕەحیانلی، کە ١١ ساڵێ چێ وەڵتەر ڕووەش دا، یاد وستۆ و کۆکوشییەکێش شەرمەزارێ کەردێ. داواش کەردە سیاسەتمەداراو دۆزوو کۆبانێ ئازادێ بکریا و ئەوەخوایش کەردۆ، تا بەدیئاردەی ئازادیی درێژە بە کۆشیای مدانێ و نمەگێڵاوە. 

دمایی نامێ یۆبەیۆ سیاسەتمەدارە زیندانیکریایا یادێ کریێوە و چالاکییەکە دماییش ئاما.