کۆنگرەو گەلی: نەورۆزوو ئازاڎیی پەی ڕابەر ئاپۆی، مەبارەک بۆ
کۆنگرەو گەلی ئەرەیاوناش پێویسا هەڵمەتەو "ئازاڎیی پەی عەبدوڵا ئۆجالانی، چارەسەر پەی پەرسەو کوردی" مۆرەو وێش وەنەو ئاهەنگەکاو نەورۆزوو وەڵاتی و بەری بدۆ.
دیوانوو هامسەرۆکایەتیی کۆنگرەو گەلی پێوەس بە ئاهەنگەکاو نەورۆزی ئەوەیاوناێوەش وەڵا کەردۆ.
ئەرەیاونایەکەنە ئەوەڵ مەزڵوم و زەکیە و ڕەهشان و ڕۆناهی و بێریڤان و سەما یوجە و گردوو گەشمەرداو نەورۆزی یادێ کریێوە و وچیاوە: "جەژنەو نەورۆزی هەڵمەتەو "ئازاڎیی پەی ڕابەر ئاپۆی، چارەسەر پەی پرسەو کوردی" مەبارەکە بۆ".
هەرپاسە ئاماژە پانەیە کریان، نەورۆزوو ئێساڵی داراو مانێوە تایبەتێن و ئەوەخوای کریانۆ کە پێویسا هەڵمەتەو "ئازاڎیی پەی عەبدوڵا ئۆجالانی، چارەسەری سیاسی پەی پەرسەو کوردی" مۆرەو وێش وەنەو ئاهەنگەکاو نەورۆزوو ئێساڵی بدۆ.
کۆنگرەو گەلی ئەرەیاوناش بەشداریی جەماوەریی گەلی ئاهەنگەکاو نەورۆزینە فرە گرنگا، بانگەواز جە گردوو گەلی مکریۆ گردوو مەیدانەکانە بەشداریی ئاهەنگەکاو نەورۆزی بکەرا و تارێخێوە تازە بنویساوە.
