بە دروشمەو "ئەرەکۊشای و تازەکەردەیۆ بەرەو چارەسەری قۊرتەکا ۋەرکەوتوو دلېڕاسەی" بە بەشداری ٥٤٠ نوێنەرا، جە ناوەنڎوو محمەد شێخۆینە جە قامیشلۆ، کۆنگرەو یەرەم و کۆنگرەو ئیسلامی دیموکراتیکی سەرنیشت و ۋەرکەوتوو سوریای دەسشپنەکەرد. نوێنەراو ئێزیدی و زەردەشتی، ڕاوەبەروو خۆسەری دیموکراتیکی و کۆنگرە ستاری بەشدارۍ کۆنگرەکەی بێنۍ.

ئەنداموو کۆنگرەو ئیسلامی دیموکراتیکی شێخ عەبدوڵا خێرئامای حازریاش کەرد. دماتەر پەی ڕاوەبەردەی گۆنگەرەکەی دیوانێوە پەنج کەسی وەشکریا.

دەلال خەلیل ئەنداموو کۆنگرەی دماو خێرئامای حازریا، قسێش کەردۍ و واتش: "دینوو ئیسلامیچ هامشێوەو دینەکا تەری خزمەتوو مرۆڤایەتی مکەرۆ، بەڵام سیستموو دەسەڵاتداری ئاینش کەردەن بە ئامرازوو دەسوو ۋێش و پەی مەسڵەحەتوو ۋێش بەکارش مارۆ. بەڵام جە بنەڕەتەنە دینوو ئیسلامی دینوو یۆترین قبوڵکەردەین."

قەرارا جە کۆنگرەکەنە دیدگاکۍ ڕابەر عەبدوڵا ئۆجالانی پەیوەس بە دینە ئیبراهیمییەکا وزیا ڕووە، حەرپاسە پەیاموو کۆمیتەو گەلا و باوەڕیەکا کەجەکەی بونیۆوە کە تایبەتا بە کۆنگرەکەی. جە دمادماینە هامسەرۆکایەتی کۆنگرەیچ هۊرچنیۆ.