بە دەسوەڵیوزیی کۆمیتەو پارتو ژیوای ئازادو کوردستانی (پەژاک) و کەژار، هیزی ڕێککەوتو ٩/٥/٢٠٢٤ یاڎوو گەشمەرڎاو ١٩و گۆڵانی وەردەمو سەفارەتوو کۆماری ئیسلامیی ئێرانینە بەریتانیانە شاروو لەندەنینە بە کۆبیەیۆێوی لوا ڕاوە.
بە سەرمەشقایەتیی کۆمیتەو پارتو ژیوای ئازادوو کوردستان (پەژاک)ی و کەژاری بە چالاکیێوی یاڎوو گەشمەرڎاو ١٩و گوڵانی لەندەننە کریاوە. چالاکییەکە وەردەمو سەفارەتوو کۆماری ئیسلامیی ئێرانینە بە دەیەقێو ڕێزگێرتەی وەنەو گەشمەرڎا دەسش پەنە کەرد. دماتەر پەیاموو پژاکی " شاخەوان دالەھۆ"ی ، هەرپاسە بە نامێ کەژار مھری ڕەزایی، نوێنەروو مەجلیسوو گەلیوە بەریتانیانە سۆنیا کەریمی و بە نامێ کۆمسیۆنوو کەجەدەکەو پانیشتیوە لەندەننە شوان ئاوارە بە ئەرەیاونیای جیاواز بەشدارێ کۆبییەیوەکەی بێنێ پەیامەکاشانە خیانەتوو خەتەو بارزانی شەرمەزار کریا و ئاماژەشا دا، کە بە سەرمەشقایەتیی گەشمەرڎاما بەردەوامێ بیمێ جە کۆشیای دژوو سێدارەینە و دژوو شۆفێنیزموو دەوڵەتوو ئێرانینە.
چالاکییەکەنە جگە جە شەرمەزارکەردەی دەوڵەتوو کۆماری ئیسلامی ئێرانی، پەی پەشتیوانی بەروستەی وەنەو شۆڕشوو "ژەنی، ژیوای، ئازادی" دروشمێ وچیێوە.
دماو دووێ سەعاتا بەردەوامبییەی، چالاکییەکە بە دروشموو 'بژیوۆ سەرۆک ئاپۆی'، 'گەشمەرڎێ نمەمرا'، 'بژیوۆ مدرامانوو زیندانییا' و 'بوڕیۆ فاشیزم' دماییش ئاما.
