مەجلیسوو گەلوو کوردی لیڤەرپوولنە پەی تیشک وستەی سەروو گۆشەگیریی ڕابەروو گەلوو کوردی عەبدوڵا ئۆجالانی و چوارچوەو هەڵمەتەو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی" مەیدانە هەرە قەرەباڵغەکاو شارەکەینە ستاندوو "عەبدوڵا ئۆجالان"یش نیارە. ستاندەکە بە ڕسمێ ڕابەروو گەلوو کوردی عەبدوڵا ئۆجالانی ڕازنیاوە، ستاندەکەنە برۆشورێ دەربارەو گۆشەگیریی ٢٥ ساڵەی نریێرە.  

چا چوارچوەنە جادەکاو شارەکەینە سەدان وەڵێکریێوێ دابەشێ کریێ. ن. خەڵکی وێمانە خێراماێوی گەرمشا وەنەو ستاندەکەی کەرد.  ئەرەیاونیێ ونیێوە و درووشموو "بژیوۆ سەرۆک ئاپۆ"ی و "ئازادیی پەی ئۆجالانی" و "هیزی ماندێلا، ئارۆ ئۆجالان" بەرزێ کریێوە.

 ستاندەکەنە باس  جە پارادایموو کۆنفیدراڵیزمی دیموکراتیکی و گرنگیی ڕابەروو گەلوو کوردی عەبدوڵا ئۆجالانی پەی چارەسەری ئاشتییانەی کریا، چندین کەسێ کتێبەکاو ڕابەروو گەلوو کوردی عەبدوڵا ئۆجالانیشا هورگێرتێ.

گۆشەگیریی ڕەها

بە نامێ ناوەندوو جڤاکی کوردیوە ئەرەیاونای ونیاوە، وچیا: " چا وەختەوە ڕابەر ئاپۆ بە پیلانگێڵنیێوی میاننەتەوەیی دەسوو تورکیایوە دریا، ئینا چێروو گۆشەگیریێوی تندینە. وەراوەروو ئینەینە ڕابەر ئاپۆ بە فیکر و ئەرەمەنەی و پارادایموو کۆنفیدراڵیزمی دیموکراتیکی کە پەرەش پەنە دان، مدرامانێوی شکۆدار موزۆنە وەڵێ. ئی پارادایمە بییەن ڕانما و نەخشەڕا پەی ئینسانی پەی یاوای بە ئازادی و دیموکراسیی ڕادیکاڵی.

بنیاتنیای ئاشتی

ئەکتەری حەرە گرنگوو چارەسەری ڕابەروو گەلوو کوردی عەبدوڵا ئۆجالانا، بەبێ گۆشدای بە گردوو یاسا میاننەتەوەیی و دلێیەکا، دەوڵەتوو تورکی چێروو گۆشەگیریێوی ڕەهاینە گێرتەن، پەی چارەسەری ئاشتییانەی پەنەوازا گەل خاوەنداریی وەنەو ئازادیی ڕابەر عەبدوڵا ئۆجالانی بکەرۆ، کە ١٠و تشرینوو یوەمینە دەسش پەنە کەردەن و فشار جە دەوڵەتوو تورکی بکەرۆ. تەنیا بە یۆگێرتەی دەوروو فیکروو ڕابەر عەبدوڵا ئۆجالانینە متاومێ دەوڵەتوو تورکی ماڕمێ، کە وەرکەوتوو دلێراسەیش کەردەن بە گۆمەو ونێ. پەوکای ئازادیی ڕابەر ئاپۆی ماناو بنیاتنیای ئاشتییەن".