جە کۆنگرەو نوێنەرا دەوڵەتوو ئیسپانیاینە، فرێوە جە پارێزنەرا و سیناتۆرەکا پارتە سیاسییە جیاوازەکا، حەرپاسە پەرلەمانتارە سەربەخۆکا، نامێوەشا ئاراسەو ئالان میشێلی ،سەرۆکوو کۆمیتەو ڕاگێرتەی جە ئەشکەنجەو ئەنجومەنوو ئەوروپای (سی پی تی) کەرد.

دەقوو نامەکەی، کە جە تەرەفوو ٢٧پارێزنەرا و سیناتۆراوە کیانیان پێسەنە؛

" ڕابەروو گەلوو کوردی، عەبدوڵا ئۆجالان کە بە ملیۆنان کوردۍ پېسە نوێنەر و ئیراڎەی سیاسی ڕەواو ۋێشا مویناش، جە ماوەو ٣٦ مانگا ۋییەردەینە جە دوورگەو ئیمرالینە جە تەرەفوو دەوڵەتوو تورکیوە ئینا چێروو گۆشەگیریێوە تنینە. چا گۆشەگیرییە نامرۆڤی و نایاساییەنە، بەڕێز ئۆجالان جە پەیوەندی و دیڎاری چنی پارێزنەرا و ئەنداماو بنەیانەکەیش بێبەش کریان، جە جەهانوو بەری بڕیانەرە، پۊکاتی بە شێوێوە کردەیی 'گووم کریان' و جە بۆشایی 'بۍ خەبەرینە' ڕاگیریان.

چی ماوەنە تورکیا حۊڵشدان دوورگەو ئیمرالی بکەرۆ بە 'داربەسێوە سەروو ئاوۍ'. بەڕێز ئۆجالان کە ئیساتۍ تەمەنش ٧٥ ساڵێن، ماوەو ٢٥ ساڵان جە ڕاو گۆشەگیرییوە تووشوو ئەشکەنجەدایۍ نامرۆڤانەی بیەنۆ، بەتایبەت جە یەرە ساڵی ۋییەردەنە هیچ زانیاریێوە سەبارەت بە ئاژەو تەندروستی نەدریان و ئی ئاژەیچە بیەن بە مایۍ تەرسۍ و نیگەرانی. ئیساتۍ مەزانیۆ بە دڵنیایۆ ئینا چکۆ. ئاژەو تەندروسی و جەستەیی پەی گەلوو کوردی کە پېسە نوێنەر و ئیرادەی سیاسی نەتەوەیی ۋێشا مویناش پرسێوە فرە هەستیارا."

'پێویسا دەموودەس دەس بە هەوڵدای بکریۆ.

نامەکە پی جۊرە بەردەوام بۍ:

"بەمەڵامەتوو ئی مەڵامەتە سەخت و قورساوە، پېسە سی پی تی داواتا ۋنەمکەرمۍ دەموودەس هەنگامە بنیەیدۍ. تەنیا پی جۆرە تەرسی و نیگەرانییەکێما دمایشا مۍ. پېسە سی پی تی مافوو ئانەیتا هەن سەردای زینڎانەکا وڵاتا ئەندامی بکەردۍ. و تورکیایچ ئەنداما و گێرۆشۆ. شمە پېسە سی پی تی مافوو ئانەیتا هەن تیمێوە پسپۆڕ بکیاندۍ ئیمرالی و چەمپنەکەوتەیش چنی بکەردۍ، حکومەتیچ ڕاتا پنە مڎۆ و متاوۆ بە شێوێوە تایبەت بەبێ ئانەی فشارش سەر بۆ، بتاودۍ چەمپنەکەوتەی ئەنجام بڎەیدۍ.

 

ئێمە گەرەکمەنە سی پی تی، بەپاو یاساو مادە ٣ۍ پەیڕەوی دلێینەو ئەنجومەنوو ئەوروپای مامەڵە بکەرۆ، 'هەر ئەندامێوە ئەنجومەنوو ئەوروپای قبوڵ مکەرۆ کە پیمانەو سەروەری یاسای و جە چوارچێوەو ئەرکوو ۋێشەنە، گرڎ کەسێ ئیسفاڎە جە مافەکاو مرۆڤی هۊربگێرۆ'. بەڕێز ئۆجالان هاموڵاتی یۆ چا دەوڵەتاو ئەنجومەنوو ئەوروپاین کە ٢٥ ساڵێن جە مافەکا مرۆڤی بێبەش کریان و جە یەرە ساڵی ۋییەردەیچەنە نەتاوانش پارێزنەرەکاش و بنەیانەکەیش بوینۆ و پی جۊرەیچە جە گرڎ جۆرە مافە یاسایی و سەرەتاییەکاش قەڎەغە کریان.

'داوا مکەرمۍ ۋەرپرسیاریی ۋێتا هۊربگێردۍ و شاند بکیاندۍ'

جە دمادمایی نامەکەینە ئامان، "بە ڕێزۆ داواتا ۋنە مکەرمۍ پەی وینای بەڕێز ئۆجالانی شاندێوە بکیاندۍ پەی دوورگەو ئیمرالی و دەموودەس بە وشکنای ئاژەو تەندروستی ئەرکوو ۋێتا جابەجێ بکەردۍ. سەرەڕاو ئانەیچ داوا جە تورکیای بکەردۍ پەی جابەجێکەردەی ۋەرپرسیاریەتیەکاش بەپاو ئەنجومەنوو ئەوروپای و سی پی تی.

ئا کەسۍ ئیمزاو نامەکەیشا کەردێنە ئینێنۍ:

"ئاگوێدا میکۆ ئی میکۆ، پەرلەمانتاروو ڤالێنسیای، (GSUMAR)،

ئاگۆستین سانتۆس ماراڤێر، پەرلەمانتاروو مەدریدی، (گسومار)

فرانسیسکۆ سیێرا کابالێرۆ، پەرلەمانتاروو سیڤییای (GSUMAR)

جیراردۆ پیسارێلۆ پرادۆس، پەرلەمانتاروو بەرشەلۆنەی (گسومار)

خاڤیێر سانچێز سێرنا، پەرلەمانتاروو مورسیای (GCUP-EC-GC)

خۆرخی پویۆ سانز، پەرلەمانتاروو چای، (گسومار)

ماریجی فۆلاوندۆ لا کروز، پەرلەمانتاروو بیزکایا ئی.

مارتینا ڤێلارد گۆمێز، پەرلەمانتاروو گرانادای، (GMx)

ناهوێل گۆنزالێز لۆپێز، پەرلەمانتاروو ڤالێنسیای (GSUMAR)

نێستۆر ڕیگۆ کاندامیل، پەرلەمانتاروو کۆرۆنای، گالیزیا نازیۆنال بلۆک بی ئێن جی (GMx)

نۆئێمی سانتانا پێرێرا، ئەندام پەرلەمان جە گران کاناریا، واتەواچوو گروپوو پۆدێمۆسی (GCUP-EC-GC)

ئۆسکار ماتوتێ ماتوتێ گارسیا دی جالۆن، پەرلەمانتاروو بیزکایا (GEH Bildu)

کارمێ دا سیلڤا مێندێز، سیناتۆر، BNG گالیسیا بلۆکی نازیۆنی BNG (GPPLU)

ئیستفانیا بێلتران دی هێرێدیا ئارۆنیز، سیناتۆر، EAJ-PNV ڤاسکۆ پەرلەمانتاروو نازیۆنی (GPV)

گۆرکا ئێلێجاباریتا دیاز، سیناتۆر، ئی ئێچ بیلدو (GPERB)

ئیگۆتز لۆپێز تۆرێ، سیناتۆر، EAJ-PNV ڤاسکۆ پەرلەمانتاروو نازیۆنالی (GPV)

جۆسو ئیستارۆنا ئەلیزۆندۆ، سیناتۆر، ئی ئێچ بیلدو (GPERB)

لۆرا کاستێل ئی فۆرت، سیناتۆر ERC کەتەلۆنیا چەپی کۆماری (GPERB) و ئەنداموو PACE

لویس خیسۆس ئوریبێ ئیتکسێباریا ئاپالاتیگی، سیناتۆر

نێریا ئاهێدۆ سێزا، سیناتۆر، EAJ-PNV ڤاسکۆ پەرلەمانتاروو نازیۆناڵ (GPV)، ئەنداموو PACE

ئۆلایا دوارتی لۆپێز، سیناتۆر، ئی ئێچ بیلدو (GPERB) EAJ-PNV ڤاسکۆ پەرلەمانتاروو نازیۆنال (GPV)

ئیراتی خیمینێز ئاراگۆن، ئەندام پەرلەمان، پەرلەمانوو ناڤاری،

دیانا ئوریا، پەرلەمانتاروو پایس ڤاسکۆ،

ئێدورن بێنیتۆ ئەنتۆلین، پەرلەمانتاروو پایس ڤاسکۆ،

ئیگۆر زولایکا، پەرلەمانتاروو پایس ڤاسکۆ،

ئۆیهانا ئێتکسێبارێتا، پەرلەمانتاروو پایس ڤاسکۆ

فێرناندۆ بارێنا ئێرزا، پەرلەمانتاروو ئەوروپای.