پەرلەمانتارو پارتو یەکسانی و دیموکراسیی گەلا (دەم پارتی)، پارێزنەر عەلی بۆزان جە کۆنگرېوە ڕۆنامەوانینە جە پەرلەمانەنە، هۊرسەنگنایش کەرد پەی قەرارەکا دۆزو کۆبانێ.

بۆزان ئەرەیاۋناش دۆزو کۆبانێ هەر جە سەرەتاوە هۊرشێویانۆ و واتش: "بەڵام پا قەرارا کە هېزی وەڵاکریێوە، ئی دۆزە بە ڕسمی هۊرشێویاوە".

هەرپاسە ئەرەیاۋناش هامسەرۆکاو هەدەپەی سەڵاحەدین دەمیرتاش و فیگەن یوکسەکداغە و هەڤاڵەکێشا ساڵانێوەن بەبێ بەهانە ڕووبەڕوو ئەشکەنجەو دادگای باوە، واتش: "ئانۍ نەتاواشا تاوانێوە وزا دلې ٣٢ هەزار پەڕا، ٩ ساڵێن هەڤاڵەکې ئێمەشا بە بارمتە گرتێنې".

پەرلەمانتار عەلی بۆزان داواش کەرڎ دمایی بە ئەشکەنجەو دادگای بارانە، واتش: "با وەزیرو دادی واچۆ، ئی وڵاتە وڵاتو یاسایا. دۆزو کۆبانێ لەکېوە سیاوا میاچەما سیستەمو یاساو ئی وڵاتەیۆ. ئا قەرارە ٣٢ هەزار پەڕەی کە هېزی ئەرەیاۋېیا، بەڵگەو ئی شەرمەزارییەینە. درێژە پی شەرمەزارییە مەڎەیدې. دەمودەس هەڤاڵەکاما ئازاڎې بکەردې. مادام جە ٣٢ هەزار پەڕانە نمەتاودې تاوانێوە بڎەیدې پاڵشا، ئازاڎێشا بکەردې".