ڕەقەنە بە ڕاپیمایێوی جەماوەری گۆشەگیری و درێژکەردەیوە قەدەغەکەردەی چەمپەنەکەوتەی چەنی ڕابەروو گەلوو کوردی عەبدوڵا ئۆجالانی پەی ماوەو شش مانگا کە دەسەڵاتداریی تورکی سەپنانش شەرمەزار کریا.

ڕاپیمایەکە وەڵێ خەسەخانەو زارۆڵاوە دەسش پەنە کەرد، بە بەرزکەردەیوە  ڕسموو ڕابەر ئاپۆی و پانکارتوو "ئازادیی عەبدوڵا ئۆجالانی ئازادیی گەلەبندەسان" تا مەیدانوو ژەنێ ئازادێ بەردەوام بی. دماتەر هامسەرۆکوو ئەنجوومەنوو ڕاوەبەریی کانتۆنوو ڕەقەی مەشلەب ترکان قسێش کەردێ و واتش: هەڵمەتەو ئازادیی جەستەیی ڕابەروو گەلوو کوردی عەبدوڵا ئۆجالانی، گردو جیهانینە دەنگش دانۆ و ئیساتێنە پاش نیان قۆناغی دووەمۆ سەروو گردوو ئاستەکانە چالاکی مکریۆ."

درێژەو قسەکاشنە ترکان سەرەنجەش وستە  سەروو سەختکەردەی گۆشەگیری بە بەهانێ 'سزاو دسپلینی' و واتش: "ئی سزێ دژوو یاسا میاننەتەوەیی و دلێیەکانە. تا مێ گۆشەگیری سەختتەر مکریۆ و بە بەهانێ سزاو دیسپلینیوە ڕا بە چەمپەنەکەوتەی نمەدریۆ."

چالاکییەکەنە ڕاوەبەروو ئەنجوومەنوو کۆبییەیوە ژەناو زەنوبیاو ڕەقەی کینانا عەبدۆ قسێش کەردێ و ئاماژەش پانەیە دا، ئامانجوو هێزەکاو پلانگێڵنیی ئانەنە، کە پرۆژەو نەتەوەی دیموکراتیکی وەرکەوتوو دلێراسەینە قۆرتاوی بکەرا و واتش: "ڕابەر عەبدوڵا ئۆجالان بییەن بە سیمبۆڵوو ئاشتی، ئازادی و ژیوای هامبەشوو جیهانی، پەوکای گەرەکشانە ڕاو گۆشەگیرییوە بە ئەرەمەنەیەکاشرە بیاوا. پەوکای تاکە چارەسەر وەرکەوتوو دلێراسەیەنە ئەرەمەنەیەکاو ڕابەر ئاپۆینێ. سەروو ئا بنەمێوە تا مسۆگەرکەردەی ئازادیی جەستەیی ڕابەر ئاپۆی بەردەوامێ بیمێ جە کۆشیایما."

چالاکییەکە بە سڵامکەردەی وەنەو ڕابەروو گەلوو کوردی عەبدوڵا ئۆجالانی دماییش ئاما.