مییانو ئەرەیاوناو قەسەدەی سەبارەت بە ئامارو ٢٤ سەعاتا ویەردەی هرووژمەکێ دۆڵەتو تورکی ئەرەگیری و چەتەکاش، بەوەربەرچدایۆ جەنگاوەرا ئی زانیارییشە وستێ ڕووە:

"هرووژمەکێ دۆڵەتو تورکی ئەرەگیری و چەتەکاش سەرو هەرێمەکا سەرنیشتوو و وەرکەتوو سووریای ٣ مانگێن بەردەواما. هێزەکێما جە دژو هرووژمەکا جە چالاکی وەربەرچایۆینە بەردەوام و گورزەی قورسە جە چەتەکا و ئەرەگیرا مڏانە.

قۆڵو قەرەقۆزاقی؛ جەنگاوەرا یەپەژەی جە وەراوەرو هرووژمە ئەرەگیرییەکانە و چەتەکانە  وەرنیشتوو سردەو قەرەقۆزاقینە چالاکیشا ئەنجام دا. چالاکییەکە جە دژو گلێرۆبییەی و مۆڵگەو ئەرەگیرا و، چەتەکا ئەنجام دریان و جە ئەنجامەنە ٨ چەتێ کوشیێنێ و یۆیچ زامڏار بییەن. جە چالاکییەکەنە ڕادارێ، بارەگێوە و کامێرێوە ئەرەگیرا دلێنە بریێنێ. چەتێ و ئەرەگیرێ بە زیاتەر لە ٨٠ گولـلێ گوندەکانیدەگاکا تینا، جادا، بیر حەسۆ، خەسەق، دیکان، مەلحا و سینا، گری شێڤێ و قەرەقۆزاق  بە تانک، موشەک، هاوەن، بۆمبوارانشا کەردێ. جە ئەنجامەنە زەرەرێ ماددی وەرو یانە و موڵکو ئەرەنیشتا کەوتەن.

قۆڵو بەنداو تشرینی؛ فرۆکەی جەنگی چن هرووژمێوەش جە دەگا نشینا پانیشتوو وەرکەوتوو مەنبجی ئەنجامدان و بە شەو و ڕۆ هەرێمەکەی بۆمبواران مکەرۆ. بەمەڵامەتوو هرووژمەکاوە زەرەری ماددی جە دەگاکا کەوتەن. گروپێوە چەتێ دۆڵەتو تورکی ئەرەگیری جە هێڵەکا وەڵێ شارۆچکەو ئەبو قەلقەلی هەوڵشادا هرووژمو نوقتێوە جەنگاوەراما بکەرا. بە دەسپنەکەردەو هرووژمەکەی سەرو دەوربەرو تەپۆڵەکەو سریتەل ( سەعات ٠٤:٠٠) جەنگاوەرەکێما جوابشاداوە و شەڕ دروس بیی. جە ئەنجامەنە ٦ چەتێ کوشیێ و بڕێ تەرێچ زامڏارێ بیێ.

قۆڵو سەرنیشتوو بەنداو تشرینی؛ هێزەکێما جە گلێرۆبییەو چەتەکاشانە. ٢ چەتێ کوشیێ. و ماتۆڕسکیلێوە دلێنە بریا. کاتێ چەتەکێ هەوڵشادا تەرمو کوشیاکەی جە مێڏانەکەنە بەرا تڕۆمبێڵەکەشا گورزەش ونە دریا و چەتەکێ جە مێڏانەکەنە بڕەمێ.

یەکینەکێ گەشمەرڏە هارونی سەعات ١٥:٠٠ جە تڕۆمبێڵێوە زرێپۆشو چەتەکاشا دا؛ تڕۆمبێلەکە بە تەمامەتی دلێنە بریاو و ٢ چەتێچ کوشیێ.

قۆڵو دێر حافر؛ فرۆکەی بێفرۆکەوانو دۆڵەتو تورکی ئەرەگیری جە تەمامو ڕۆکەینە جە ئاسمانو هەرێمەکەینە گێڵێنی. ئەرەگیرێ بە ٣ درۆنی وێ کوشی نوقتەکێ هێزەکاما بۆمبوارن کەردێ. جە ئەنجامەنە تەنیا زیانی ماددی وەش بیی پ.

ئامارەو هیزی: ١٨ چەتێ کوشیێنێ و بڕێ تەرێچ زامڏارێ بیێنێ، هەرپاسە دووێ ئۆتۆمبێلێ سەروازیێ کە یۆشا زرێپۆش بێ و ماتۆڕسکیلێکێش مەڕیان".