قەومێ زینڎانیا جە چوارچێوەو هەڵمەتەو "ئازادیی پەی عەبدوڵا ئۆجالانی، چارەسەری سیاسی پەی پرسوو کوردی"نە وەروودەم و زینڎانوو ژەنا باکرکۆینە چالاکی "دەنگت وزە پاڵ و ئازادیی"شا ئەنجامدا. پارتە سیاسییەکا و ڕێکوزیاکا گلێرگەی مەدەنی و پارێزنەرا نووسینگەو یاسایی سەدەی بەشدارێ بێنێ، جە چالاکییەکەنە لافیتەو "پەی ماڕای گۆشەگیری دەنگت وزە پاڵ و ئازادیی" هۊرگیریا و بەشدارا هێلەکێشا پۆشێ کە سەرشاوە نویسیابێ "گۆشەگیری تاوانەنە دژوو مرۆڤایەتی".

جە ئەرەیاوناکەینە درووشمەو "ماف، یاسا، دادپەروەری" بەرزکریاوە. هەرپاسە بەشدارا هەلهەلە و چەپڵێشا کوێ و چالاکی ئەرەنیشتەیشا ئەنجامدا. دماو چالاکی ئەرەنیشتەی، چالاکییەکە دمایش ئاما.