ئاهەنگوو ساڵیادوو ئەرەمەرزنای پەکەکەی جە بیناو ناوەندوو گلێرگەو کورداو لەندەنینە (کەجەجە)، شاروو هەرینگەو پایتەختوو بەریتانیاینە لەندەننە بە ڕێکوستەی تەڤگەروو گەنجە شۊڕشگێڵناو ئینگلتەرای و مەجلیسوو گەلوو کوردی لوا ڕاوە. پۊلیسوو بەریتانیای تەوقەو باڵایانەو کەجەجەیش دابۍ و هەوڵێش دۍ ئاهەنگەکە مردنۊ، وەلۍ خەڵک دروشموو"پەکەکە گەلا، گەل ئینا چێ"، "شەرم کەردێ"، "مرە فاشیزم" و "ئیتر واز جە پەشتیوانیکەردەی وەنەو دەوڵەتی ئەرەگیروو تورکی باردێ" دڕیژەشا بە ئاهەنگەکەیشا دا.

چی میانەنە هامسەرۊکو مەجلیسو گەلو کوردی، تورکان یوکسەک، پەی ئاژانسوو ANF قسێش کەردۍ و واتش: " گەرەکشانە عەلەمەو پەکەکەی کەرا بە بەهانۍ وهجوون کەرا سەروو ئەرەمەرزیایەکاما. هەڵوێستێوە بێکەرامەتانەشا نیشانە دا. وەلۍ با خاس بزانا ئێگە یاگۍ مەبارەکەو گەلاو کوردستانی و کوردانە. ئێمە ئی نۊعە هجوومە بێکەرامەتییەما پەی سەروو یانەو کوردا قبوڵ نەکەردەن  و مەکەرمێش، ٢٧و تشرینوو دووەمی بە ڕۊحو مدرامانی مەبارەک کەرمۍ، ٢٧و تشرینو دووەمی جە گرڎوو گەلا مەبارەک بۊ.  

شارە جیاوازەکای تەریچەنە بۊنەو ٤٥ەمین ساڵیادوو ئەرەمەرزنای پەکەکەیۊ ئاهەنگۍ کریۍ، دلێشانە داواو "یۊبییەی، یەکڕیزی، قەوەتکەردەی کۊشیای دژوو ئەرەگیرا، مدرامان و پاڵپەشتیکەردەی هەنگامەو ' ئازادی پەی عەبدۊڵا ئۊجالانی و چارەسەری سیاسی پەی کێشەو کورد'ی کریا".

ڕەیمس

کیل

تۊڕینتۊ