شاندێوە سەرنیشتو کورڎسانی سەرێ پانیشتیشا دا
شاندێوە سەرنیشتو کورڎسانی کە چند ژەنە پەرلەمانتارێوە هەدەپی بێنێ، چەنی پارێزگارو سلێمانیی هەڤاڵ ئەبوبەکری، کوێ بیێوە.
شاندێوە سەرنیشتو کورڎسانی کە چند ژەنە پەرلەمانتارێوە هەدەپی و چند ڕێکوزیێوە ژەنا بێنێ سەرێ شارو سلێمانییشا دا.
شاندەکە کە پەرلەمانتار شاری سێرتە، سەباحەت ئەرڎۊغانە، هامسەرۊکێ شارەوانو سلۊپی، عەدالەت چیمەن، وەرپرسەو ڕێکوزیاو ژەنێ، گوڵبەهار گوزەل، ئەندامەو کۊنگرەو جڤاکی دیموکراتی، نەسلیهان ئاجەرە، ئەندامەو ئەنجوومەنو ژەناو هەدەپەی، گوڵبەهار ئاڵپ سۊیە بێنێ.
ئامانجو سەردایەکەی ئانەنە، چەنی چندین لایەن و کەسێتییا دەربارەو پەرسەو گەلو کوردی، ڕەوشو ژەنا جە پارچەکاو کورڎسانینە واتەواچ کەرڎەی پەی یۊبییەی نەتەوەیی کەرا.
شاندەکە دیوانو پارێزگاو سلێمانیینە چەنی پارێزگارو سلێمانیی هەڤاڵ ئەبوبەکری کوێ بیێوە. هەردی لێ باسشا جە هەرمانێ هامبەشێ کەرد پەی خزمەتکەرڎەی شارەکەی، باسشا چانەیە کەرد چەنی بتاوا پرۊژەی هامبەششا بۊ و خزمەتوو گەلی کەرا. هەرپاسە واتەواچ دەربارەو ڕایەکاو وەشکەرڎەی یۊبییەی نەتەوەیی کریا.
ئاخروو کۊبیەیوەکەینە، هەڤاڵ ئەبوبەکر کتێبێ و سەرپۊشی کورڎەواریێش پێشکەشوو شاندەکەی کەرڎێ.
پاسە قەرارا شاندەکەو سەرنیشتو کورڎسانی، درێژە بە سەردایەکاشا بدا و دمانیمەڕۊو ئارۊی سەرێ هەریۊ جە یۊبییەی ژەنا و ڕێکوزیای ژەناو ئازاڎیی کورڎسان-ڕژاکی، هەرپاسە سەبای سەرێ شاناز ئیبراهیم ئەحمەدێ بدا.
