هێزەکاو ڕەنج و دیموکراسی جە موغلای بۆنەو ١٤ ەمین ساڵیادوو کوشتەی خۆنکارو زانشتگەی شەڕزان کورتی کە ١٢ و ئایاروو ٢٠١٠ جە تەرەفوو پۆلیسیوە کوشیا، مەراسیمێوە یادکەردەیۆیشا ڕێکوست و ئەرەیاونێوەشا وەناوە. جە ئەرەیاوناکەینە لافیتەو "شەڕزان کورت نەمرا، ئێمە جە یادما نەکەردەن، جە یادش مەکەرمێ " و لافیتەو "دژوو فاشیزمی یۆگێردێ" و وێنەو شەڕزان کورتی بەرزکریاوە. هاموەخت درووشـمەو "ونەپەرسایۆ جە پۆلیسە بکوژەکا کریۆ" بەرزکریاوە.

سەروو نامێ هێزەکاو ڕەنج و دیموکراسی گەلا، سوڵتان تۆرگون ئەرەیاوناش شەڕزان جە هجووم و فاشیستەکانە بە هامکاری گوڵتەکین شاهینی کوشیا، کەچی بکوژ گوڵتەکین شاهین دماو ماوێوە جە گێرتەیش ئازادکریا، واتش: داخەم مەشۆ دیسان جە سزا دەربازبیەی جابەجێکریا. دەوڵەت کارمەندە تاوانبارەکەو وێش پارێزنا. ئێمە ١٤ ساڵێن ئینایمێ شۆنەو ئی قەزیێوە، چا جادەنە شەڕزانش چنە کوشیا، بیمێ بە دەنگوو شەڕزانی".

تۆرگون واتش: "شەڕزان بەمەڵامەتوو کوردبیەی و قسەکەردەی بە زوانی کوردیۆ کوشیا، تا دادپەروەری پەی شەڕزانی بەدی نێ، دیسان چی جادانە خاوەنداری جە یادوو شەڕزانی کەرمێ و هاوار پەی دادپەروەری کەرمێ".