سکرتێری گرڎیین و نەتەوەیۊگێرتەکا ئەنتۆنیۆ گۆتێرێز، ڕۊو یەکشەممەی سەبارەڎ بە غەززەی داواو ئاێربەسی 'خێرایش' کەرد. حەرپاسە داواش کەردە زینڎانییەکۍ ئازاڎۍ بکریا و هامکارییەکۍ پەی فەلەستینی زیاڎۍ بکریا.

گۆتێرێز جە وەختوو بەشداربیەیشەنە جە کۆنفرانسوو هامکاری میان نەتەوەینە جە کوەیت واتش: "پەی ئاێربەسی خێرای، پەی وەردای گرڎوو زینڎانیا بە بێ شەرت و مەرج، پەی زیاتەرکەردەو هامکارییە مرۆییەکا، داواو ۋێم و داواو گرڎوو جیهانی واوەی مکەرووە."

حەرپاسە گۆتێرێز واتش: "بەڵام ئاێربەس تەنیا سەرەتێوەن، پێویسا زیاتەر هەنگامە بنیەیمۍ پەی ڕزگاربیەی چا نەهامەتییا کە جەنگی ئاردێنۍ ئاراوە."

بە پاو سەرچەمەکا فەلسەتینی، جە ٧و تشرینی دووەمیۆ جە ئاکاموو هجوومەکا ئیسرائیلینە پەی سەروو کەرتوو غەززەی تا ئیساتۍ ٣٥ هەزار کەسۍ مەردێنۍ، نزیکەو ٨٠ هەزارکەسایچ زامڎارۍ بیێنۍ.