سلێمانیینە فێستیڤاڵو پیرەمێردی کریا
ئارۊ شارو سلێمانیینە بە بەشداریی شاعیرا و ئامادەبییەی شیعرڎۊسا فێستیڤاڵو پیرەمێردی پەی بۊ شیعروانایوە ساز کریا.
بە مەبەسو ئاشناکەرڎەی شاعیرا بە شیعرۍ و بەرهەمە ئەدەبییەکا بەینوو نەتەوەو کوردی و عەرەبینە، بە بەشداریی شاعیراو کوردی و عەرەبی جە چندین پارێزگا و شاراو عێراقی و کوردستانینە پەی یادکەرڎەیۊ شاعیرو کوردی پیرەمێرد، هۊڵو برایم ئەحمەدینە شارو سلێمانیی پانیشتو کوردسانینە فێستیڤاڵۍ شیعرۍ کریا.
دماو پێشکەشکەرڎەی وتارو کەرڎەیوە فێستیڤاڵەکەی لاو یادە بەرزەنجیۍ، شاعیر و سەرپەرشتیارەو فێستیڤاڵەکەیۊ، شاعیرۍ ئامادەبیۍ فێستیڤاڵەکەنە شێعرەکێشا وانێوە، کە بە زوانەکاو عەرەبی و کوردی هۊنیێبێنیوە.
یادە بەرزنجییە، ژەنە شاعیرە و سەرپەرشتەو فێستیڤاڵەکەی سەبارەت بە فێستیڤاڵەکەی پەی بۊ ئاژانسیما قسێش کەرڎۍ و واتش: "ئامانجما فێسیتیڤاڵەکەنە ئاشناکەرڎەی نەتەوەکای تەرین بە چاند و هونەری کوردی، تا بزانا، کە کوردیچ داراو شیعرۍ و شاعیرە گەوران".
بە پاو زانیارییەکا کە جە ڕێکوزو فێستیڤاڵەکەیوە ورێگیریێنۍ، ئی فیستیڤاڵە ئارۊ دماییش مۍ، حەرپاسە ئا شاعیرۍ کە شارەکای تەریوە بەشدارۍ بێنی پەی چند ڕوێوە شارو سلێمانیینە مەناوە و ئاشنۍ کریا بە شۊنەوار و یاگە کولتوری و هونەرییەکاو شارو سلێمانی.
