سەندیکاو پەروەردەو بەریتانیای: ئازادی پەی (ئۆجالان)ی
سەندیکاو پەروەردەو نەتەوەیی بەریتانیای (NEU) جە میانو کۆنگرەو وێشەنە بە بەرزکەردەیۆ وێنەکاش، داواو ئازادی ڕابەر (ئۆجالان)یش کەرد.
داواکاری ئازادی پەی ڕابەر ئۆجالان-ی جە کوردستان و جە بەرو ووڵاتی ڕۆچ بە ڕۆچ فراوانتەر مبۆنەوە. جە ئی چوارچوەنە سەندیکاو پەروەردەو نەتەوەیی بەریتانیای (NEU) کە یۆن جە سەندیکا گەورەکانو ئا ووڵاتەیە، جە میانو کۆنگرەو وێشەنە ئا داواکاریەشە وست ڕووە.
جە کۆنگەرەکەنە، سەرجەم ڕاوەبەرێ و ئەندامێ سەندیکاکەی کە زیاتەر جە ١ هەزارێ و ٧٠٠ نامزەدێ بێنێ بە بەرزکەدەیۆ وێنۍ ڕابەر ئۆجالان-ی، وازیارێ ئازدی جەستەیی ئا ڕابەریە بی. هاموەخت پەیوەست بە ئانەیە بانگەوازیێوشان ئاڕاستەو بەریتانیا و ڕاو گردینو جیهانی کەرد و جە میانشەنە وازیارێ بیێ گرد کەسێ و لایێ پەشتیوانی جە داواکاریەکەی و بانگەوازییەکەیشان بکەرانێ.
یاگۍ یادئاواەرییەن، سەندیکاو پەروەردەو نەتەوەیی بەریتانیای (NEU) یۆن جە سەندیکا گەورەکانو ئا ووڵاتەیە و زیاتەر ١ ملیۆنێ و ٣٠٠ هەزارێ ئەندامێش هەنێ.
