سەرۆکو ئەمەریکای سەر و پلاتفۆرمو تروس سۆشیالی (Trth Sociale) واتش: "ویلایەتە یۆگێرتەکا ئەمریکای بە مەبەسوو پاراستن و پەشتگیری ئیسرائیلی سالانە ملیارەها دۆلار خەرج مکەرۆ." 

سەرۆکو ئەمریکای جە بارەو بنیامین ناتانیاهۆی واتش: "ئار چنی حەماسی گفتوکۆ مکەرۆ پەی ئازادکەردە و بارمتەکا. چنین بۆنە فشار جە سەرۆکو وەزیرانو ئیسرائیلی کەرۆ کە تەمامو ڕۆی جە تەلارە و دادگاینە مەنۆوە." 

ڕۆو جومعەی، دادگاو ئیسرائیلی داواو دما وستە و ئەرەنیشتە و دادگاییکەردەو دۆزو گەندەڵی ناتانیاهۆی پەی ماوەو دووێ هەفتا ڕەتکەردۆ. 

دۆناڵدا ترامپ ڕۆو چوارشەممەی جە ئەرەیاوناکەیشەنە داواشکەردێ بێ دۆزەکەی هورشاناوە. 

هەرپاسە دما و ڕوێ جە ئایێربەستەکە و ئێرانی و ئیسرائیلی ترامپ پێشینارش کەردە بێ کە "چنە وەش بییەی پەی قارەمانە گۆرەکەی بەر کریۆ". 

نەتانیاهۆ جە ئەرەنیشتەکەینە کە جە مانگە و ئایاری ٢٠٢٠ دەسش پنەکەردەن و چنین جارێ ئەرەنیشتەی دما وزیان، بانگەشەو ئانەیش کەرد کە هیچ تاوانێوەش ئەنجام نەرێنە. 

جە دۆزو سەرەتاینە ناتانیاهۆ چنی هاوژینەکێش سارا ناتانیاهۆ تۆمەتبارێ کریێنێ پانەی بە بەهاو ٢٦٠ هەزار دۆلارا بەرهەمەکا لوکسی پێسە و جگەرەی، شامپانیا جە ملیاردێرەکا هورگێرتەن. 

جە دووێ دۆزی تەرەنە ناتانیاهۆ تۆمەتبار کریۆ پانەی چنی دووێ دەزگایا میدیای ئیسرائیلی ڕێکەوتەن کە هەواڵو ئەرینی وەڵاکەراوە.