تەڤگەروو گلێرگەی دیموکراتیکی (تەڤ-دەم) سەبارەت بە پەرسەکۍ چەنەدوایێوە نویسیاش وەڵا کەرڎۊ.

ئەرەیاونایەکەنە ئامان، 45 ــەمین ساڵوەگێڵوو ئەرەمەرزنایی پارتی کرێکاراو کورڎسانی (پەکەکە)ی جە سەرجەموو ئەنداما و سەرمەشقاو پەکەکەی، بەتایبەتی ڕابەرعەبدوڵا ئۊجالانی، گەریلاکاو هەپەگەی و یەژاستاری، زیندانییە سیاسییا، کەسوکاروو گەشمەرڎا و سەرجەم گەل و پێکئامایەکاو کورڎسانی مەبارەک کەرد.

دەسنیشان کریان، ئەرەیاونای ئەرەمەرزنای پەکەکەی جە پڕۊسێوە خۊفناک و گرنگنە ئاما ئاراوە چا پڕۊسەنە پێویستیێوە فرە بە ڕاوەبەرڎەیێوە فیکری و ئیدئۊلۊژیکی بۍ، کە بتاوۊ گلێرگەی جە کۊکوشی، پاکتاوکاری، و ڕۊشنویری و کەلتووروو ئاسمیلەکەرڎەی نیشتمانی و قڕکەرڎەی سیاسیی فاشیستیی دەوڵەتوو تورکی ڕزگار کەرۊ."

درێژەکەش پێسنەنە:  

ڕاوەبەری هەقەتینوو بناغە و پیمەرە زانستییەکاو شۊڕشوو ڕزگاریی گلێرگەی، نەتەوەی دیموکراتیکا سەروو بنەماو ئازاڎیی ژەنا و دەرفەتی کەم ئەرەمەرزیای. ئینەیچە دماو کۊڵیایوەی تارێخیی شیکاری و ستراتیژیی ڕابەروو گەلوو کوردی عەبدوڵا ئۊجالانی چەنی کۊمەڵێوە هامڕا ئیدئۊلۊژیک و ساعیب فکرا کریا.

ئەرەمەرزنای پەکەکەی پێسە جوابوو هەقسانایۊیۍ تارێخیی جە دەوڵەتی فاشیستی و ئەرەگیروو تورکی بۍ.  هەرپاسە ئەوەڵوو سەرسەعبۍ تازەی بۍ بەرەو بنیاتنیای پڕۊسەو فاڕیای گەورەی نەتەوەیی، کە هومێد و متمانێش دلۍ بەشەکای تەروو گلێرگەو کورڎسانینە گێڵناوە. ئی هەنگامۍ فاڕیا پەی شۊڕشی ڕزگاریوازی نەتەوەیی و کورڎساننە بە سەرمەشقایەتیی ژەنا و گەنجا. ئا شۊڕشە بۊنەو کاریگەریی داستانی قارەمانیی ئەندام و ڕاوەبەراو پەکەکەیۊ زینداننە، کەشنە و شارەکانە پەی پاریزنای بەها کولتووری، سیاسی و کۊمەڵایەتییەکا دژوو فاشیستی و ئەرەگیراو تورکی ڕاو مدرامانی و کۊشیای گەورەیش بەرەو ئازاڎی ورچنیە و بی بە ئیرادەو گەلی ئازاڎیوازوو هەرێمەکەی و دنیۍ.

تارێخوو پەکەکەی پەڕا جە ڕووەدای. پەکەکە بۊنەو پیلانگێڵنیی دلێی و میاندەوڵەتی دژوو فەلسەفەو تەڤگەروو ئازاڎیی کورڎسانی ڕووبەڕوو زەحمەتا و قۊرتە فرا بیەنۊ. تا ئارۊیچ دەوڵەتی فاشیستوو تورکی گرد یاگێوەنە جەنگی وناڵین دژوو ئیرادەو گەلوو کوردی بەرۊ ڕاوە، ڕوانە کۊکوشی کەرۊ، گرد نۊعە چەک و کیمیاویێوە بەکار مارۊ. ئی دڕندەییە پێسە جوابێوە پەی هەڵمەتە جیهانییەکاو پەشتیوانی جە ئازاڎیی جەستەیی ڕابەر عەبدوڵا ئۊجالانی و چارەسەری سیاسیی پەرسەو کوردی و مەبارەکباییەکاو گەلا پەی ساڵوەگێڵوو ئەرەمەرزنای ملۊ ڕاوە.

کۊشیای و مدرامانوو پەکەکەی کە دژووسیاسەتی فاشیستیی دەوڵەت تورکی سەرکەوتەن، فراوانتەر بییەن و وەڵا بییەنۊ. ئینەیچە دەرئەنجاموو ئیرادە و پاگێرتەیرەی پارێزنای ڕەواین بە شێوازو مدرامانی هامچەرخی. پەکەکە جە پاڵپەشتیی ئەخلاقی و ویژدانیی مدرامانوو گەلی پێسە شەنگال، مەخموور، سەرنیشت و وەرکەوتوو سوریای و سەرتاسەروو کورڎسانینە فیداکارییێوە گەورەش نیشانە دا.

ئێمە پێسە تەڤ-دەمی، سڵام وەنەو تارێخیوو پەکەکەی کەرمۍ و هەڵوێستە نەتەوەیی و ئینسانییەکاش مەبارەک وینمۍ. ئێمە گەلوو کوردی و گردوو پێکئامایەکای تەری، گردوو ئازاڎیوازا، دیموکراتەکاو جیهانی کە پەشتیوانی جە ئازاڎیی جەستەیی ڕابەر عەبدوڵا ئۊجالانی و چارەسەروو پەرسەو کوردی کەرا سڵامشا وەنە کەرمۍ.

ئێمە داوا وەنەو گردوو هێزە نەتەوەیی و سیاسییە کورڎەکا، عەرەبی، جیهانی و چالاکەکاو گلێرگەی مەدەنی و ڕێکوستەیەکاو ژەنا، کەلتووری و یاساییەکا کەرمۍ، کە بەشداریی جە هەڵمەتەو پەشتیوانییەکەینە کەرا.ئی هەڵمەتۍ. نیشاندەرەو هێز و ئیرادەو پێکئامایەکانە، پەی یۊوستەی هەوڵەکا تا بەدیئارڎەی ئازاڎیی جەستەیی ڕابەر عەبدوڵا ئۊجالانی. هەرپاسە تاکە زامنوو چارەسەری گونجیان چی پڕۊسە زەحمەتەنە هەرێمەکەنە و جیهاننە.'