جە تەوێڵۍ و دەگاگێ دەوربەریش چوون، (دزاوەر، شۆشمێ، سۆسەکانە و پاڵانیا و جاوری) چەنڎین ڕۆێن ڤەرڤە ۋارۆنە و ناوچەکە بەرگی چەرمەش پۆشان.
جە بەرزایەکان نیم مەترێ و دلی شاری و دەگایەکانە 30 سانتیمێ ڤەرڤە ۋراێنە و ئانەیچە خەڵکیش وستەن زەحمەتی و جە جادێ و ڕاکانە ئاستەنگی پەی هامۆشیێ دروست بییەن و ئاوهەواش سەرد کەردەن.
پەی ئاساییکەردەی هامۆشیێ، تیمەکێ سەر بە شارەوانی تەوێڵۍ سەرەڕاو کەمی دەرفەتی بەڵام شەوانە ڕۆچ جە دلێ شاری و جە دەگایەکێ دەوروبەرینە سەرقاڵێ  پاککەردەی و ئەوەکەردەی ڕێ و جادەکانێ و هاموڵاتیێ ناوچەکەیچ هامکارێشانێ.
هاموەخت چەنی ۋارای ڤەرڤەکێ، هاموڵاتیێ ناوچەکەی گلەیشان جە حکومەتی هەنێ کە کمتەرخەم بییەن جە دابینکەردەی سۆتەمەنی پێشان و داواکارێنێ؛ "حکومەت سۆتەمەنی بە تایبەتی نەۆتێ چەرمێشان پەی بکاینۆنە، چونکە ناوچەکشان سەردسێرەن و پنەوازی فرەشان پنەش هەن".