هەر جە ئەرەیاۋناکەینە ئامان بە هەزاران ساڵېن ژەنی گلێرگەیی بیەی بەرا وەڵێوە و بناغەو چاندی، ژیۋای و ئاردەیشەنە خولقنان.

جە ئەرەیاۋناکەینە ئەرەیاۋییان کە ئەڎایا کوردی پەی پارێزنای شکۆو گلێرگەی چێروو نامۍ جیاوازینە مدرامانشا کەردەن و سیستمی فاشیسشا تەرسنان و جە دژوو نادادپەرەوەری بە ئازاڎیوە ئەرەکۊشا. پۊکاتی جە دژوو ئەڎایا کوردی، فشاروو سیستموو دەسەڵاتداری فاشیستی زیاتەربیەن، چنڎین ئەڎۍ کوردی ئینۍ زینڎانەکانە و جە درێژەنە تەژەئا ماچۆ: " پەی گەلوو کوردی ژەنی و ئەڎۍ بناغەو بە گلېرگەیی بیەینۍ و حەرپاسە ئشناسنامۍ سەرمەشقی و سەربەرزیینۍ. ئا ڕۊشناییەی سەروو دەسوو ئەڎا ئوەیش خولقیان، جە ڕۆزگاروو ئارۊیمانە جە کەسایەتی ئەڎایا کوردینە بیەن بە سەردەمێوە گەردوونی. جە تاریکایی ١٢و ئەیلولینە کە قڕکەردەی سەپیۍ، ئەڎایاما بە بێ تەرسی و بە ئازایۆ خاوەنداریشا جە ڕۆڵەکاشا کەرد. دژوو زوڵمی و ستەمینە ئەڎایاما؛ جارێوە بانە بە ئەڎایا شەممەی، جارێوە بە ئەڎایا ئاشتی، جارێوە بە ئەڎایا سەرپۊش چەرمەی، جارێوەیچ بە ئەڎایا دادپەرەوەری، نمازا جارێوەتەر گلېرگە جە شکۆ و بەهاکا ۋێش دوورگنۆوە."

هەر جە ئەرەیاۋناکەینە ئانە دەسنیشانکریان کۊشیای ئەڎایا تەنیا جە جوگرافیاو کوردانە سنوردار نەبیەن و جە سەرانسەروو جیهانینە بە هەمان شێوە چنڎین ئەڎۍ و ژەنی ئەرەکۊشای ڕاوەبەر مکەرا.

تەژەئا جە دمادمایی ئەرەیاۋناکەیشەنە ڕۊو ئەڎایاش پیرۆزکەرد و ئاماژەش بە گرنگی دەوروو کۊشیای ئەڎایا کەرد دلۍ گلێرگەینە.