دماو بوومەلەرزەکەو گەملیکی و نیگەرانییەکا جە ئاژەو زینڎانی دوورگەو ئیمراڵی، ئەرەنیشتاو هەرێموو فورات -کۆبانێ ڕاپیمایشا کەرڎ و داواشا کەرڎ دەموودەس زانیاری سەروو ڕابەروو گەلوو کوردی عەبدوڵا ئۆجالانی بڎریۆ.
دماو بوومەلەرزەکەو بەحروو مەڕمەڕەی کە دوورگەو ئیمراڵیش ئینا چنە، نیگەرانی گەلوو کوردی و جەماوەری دیموکراتیکی جە بارەو ژیۋای و سڵامەتی ڕابەروو گەلوو کوردی عەبدوڵا ئۆجالانیش ۋنەکۊتۆ. فرېوە جە هەرێمەکاو سەرنیشت و ۋەرکەوتوو سوریای، بە هەزاران کەسۍ مجیېرە سەروو جاڎەکا و داواو زانیاریشا سەروو ڕابەروو گەلوو کوردی عەبدوڵا ئۆجالانی کەرڎ.
حەرپاسە ئەرەنیشتاو هەرێموو فوراتیچ پا ئامانجۆ کۆبانێنە ڕاپیمایشا کەرڎ. سەڎان کەسۍ جە مېڎانوو ژەنۍ ئازاڎېوە دەسشا بە ڕاپیمای کەرڎ و بە دروشمەکاو "بێ سەرۆکی ژیۋای مەبۆ" و "بژیۋۆ سەرۆک ئاپۆ" بەرەو ۋەننگەو گەشمەرڎە سەیدۆی ڕاپیمایشا کەرد.
جە دمادمایی ڕاپیماکەینە، ئەندامەو کوردیناسیۆنوو کۆنگرەو ستاری- هەرێموو فوراتینە ئارین کۆبانییە قسېش کەرڎۍ و ئەرەیاۋناش، پەنەوازەن دەموودەس زانیاری سەروو ڕابەروو گەلوو کوردی عەبدوڵا ئۆجالانی هۊرگیریۆ و واتش پەنەوازەن دەموودەس بنەیانە یان پارێزنەراو ڕابەر ئاپۆی بلا و دیڎار ئەنجام بڎا."
جە بەیاننامەکەنە ئاماژە بە گرنگی ڕابەروو گەلوو کوردی عەبدوڵا ئۆجالانی دلۍ گەلوو هەرێمەکەینە کریان و وچیان"ئا کەسەی پاسەش پنەکەرڎیمۍ سەروو پەیاو ۋېماوە مردمۍ و ۋېڕاگری کەرمۍ، موهەندیس و بناغە ئەرەنیاو فەلسەفەی نەتەوەی دیموکراتیکی ڕابەر ئاپۆن. پەنەوازەن گلېرگەی میاندەوڵەتی ۋەرپرسیاری ۋېش جە ئەستۆ گېرۆ، مشۊم دەموودەس زانیاری سەروو ڕابەرایەتیما هۊرگېرمۍ."
