سەدانور ئۆگور و سیبەل ئۆرکمەزە وەختوو ناڕەزایەتییەکاو وانینە ئەزمیرنە گیریێ و وزیێ زیندانوو شاکرانیوە. زینداننە ڕووبەڕوو هەڕەشا و ئەشکەنجەی بیێوە. تەڤگەروو ژەنە ئازادا (تەژەئا) دەربارەو ئی پەرسێ وەردەمو بیناو دەم پارتیی وانینە ئەرەیاوناێوەش واناوە، کە هامسەرۆکەو دەم پارتی وانی، گوڵشەن کورتی واناوە.  

دلێشنە ئاماژە کریان کە ئەشکەنجە و گۆشەگیری زیندانەکانە بەردەواما و دەسەڵات بەنیازا پاشێلکارییەکا بشارۆوە، سیبەل و سەدانورە لاو کارمەنداو زیندانیوە ڕووبەڕووێ هەڕەشا و ئەشکەنجەی بیێنێوە.

ئەرەیاونایەکە پەشتگیریی تەژەئای پەی مدرامانوو سیبەلێ و سەدانورێ ئەوەخوای مکەرۆوە، داواش وەنەو دادگای کەردە، کە پەشتگیریی سیاسەتو دەسەڵاتی نەکەرۆ، ماچۆ: "ئیساتێ زیندانیێ دژوو سیاسەتوو گۆشەگیری مدرامان کەرا. واوەی بانگەواز جە ئەرەمەرزیا دیموکراتیکەکا مکەرمێ، خاوەنداری وەنەو زیندانییە سیاسیا بکەرا، مدرامان ژیواین و پەی ژیواێوی ئازاد و یەکسانی درێژە بە کۆشیای مدەیمێ".

ئەرەیاونایەنەکە بە درووشموو "بژیوۆ مدرامانوو زیندانی" و چەپڵەڕێزان و هەلهەلێ دماییش ئاما.