هەپەگە ئشناسنامەو دووۍ گەریلایاش ئاشکراکەرد کە خواکوڕکەنە گەشمەرڎۍ بیۍ و واتش: " هامڕایا قارەمانیما بە ڕێز و پنەزانایۆ یاڎۍ مکەرمێوە، کە وابەسەو سەرکەووتەی بێنۍ و شێوازوو فیدایی ئاپۆییشا کەردەبۍ بە بنەماو کۊشیای ۋێشا."
ناوەنڎوو ئەرەیاۋنای و چاپەمەنی هەپەگەی جە ئەرەیاۋناکەیشەنە سەبارەڎ بە گەریلا گەشمەرڎەکا پی جۆرە ئەرەیاۋنانش:
"جە ١٨و نیسانوو ٢٠٢٤ینە جە دەرنجاموو هجوومەکا دووژمنینە پەی سەروو هەرێموو خواکوڕکی هامڕێما مەروان و تووفان گەشمەرڎۍ بیۍ.
هامڕێما مەروان و تووفان جە هەر مېڎانێوەنە بیێبا بە شێوێوە فیدای بەشدارۍ بێنۍ و پەی ئانەی خەتەو ئاپۆیی بە ژیۋای بکەرا ڕەنجی فرەشا دا. هامڕێما مەروان و تووفان دژوو قڕکەردەکا دوژمنی جە ۋەرا ۋەروو گەلەکەیمانە گورزەی کوشندێشا جە دوژمنی شانا و جە هەرێمی جیاواز جیاوازەنە گەریلایەتیشا کەردەن. ئەخلاق و ژیۋای پارتەکەیماشا پەی ۋێشا کەرد بە سەرچەمېوە گەورە، سەروو بنەمایې بەقوەتی کۊشیایشا تاجدار کەرد. سەروو بنەما دڵسۆزیشا پەی ڕابەر ئاپۆی و گەشمەرڎا حۊڵشا دا گرڎ ئەرکێوەشا جابەجێ بکەرا. پېسە میلیتانە فیداییەکا ئاپۆیی بیۍ بە هۊرگیروو کۊشیایۍ بەقوەتی و بێ سنوری. هەمڕاکێما کە بە قوەتی گرڎ مېڎانۍ مدرامانینە بێنۍ پەی پارێزناو دەسکەوتەکا گەلەکەیما ڕەنجی گۊرەشا پێشکەشکەرد، تاواشا بە بەشدرایشا بانۍ بە میلیتانێوە جە ۋیرنەکریای. پېسە میلتانە دڵسۆزەکا ڕابەر ئاپۆی و گەشمەرڎا، گرڎ وەختۍ پەی سەخترەیین مېڎانەکا پێشنیاروو بەشداری جە کۊشیاینە کەرێنە.
هامڕێما مەروان و تووفان کە گرڎ وەختۍ ئاماڎەییشا چنەبۍ گرڎ ئەرکێوە شۆڕشگێڵنی بە شێوێوە سەرکەوتانە جابەجۍ بکەرا، خاوەندریشا جە ۋەرپرسیاریی تاریخی ۋێشا کەرد و پی هەڵوێساشا جە دڵوو هامڕایاشانە یاگۍ ۋێشا کەرێنێوە. جارێوەتەر هامڕا قارەمانەکاما بە ڕێز و پنەزانایۆ یاڎۍ مکەرمێوە، کە بە وابەسەو سەرکەوتەی بێنۍ و شێوازی فیدایی ئاپۆیشا کەردەبۍ بە بنەماو کۊشیای ۋێشا.
سەرساغی ۋێما پەی تەماموو گەلی وڵاتپارێزیما، بە تایبەت پەی بنەیانەو هامڕایا قارەمانی مەروان و تووفانی بەربڕمۍ و وەعدوو ۋێما واوەی مکەرمێوە کە کۊشیای هامڕایاما بە مانا و قەرارداریوە بەردەوام بکەرمۍ.
ئشناسنامەو هامڕا گەشمەرڎەکاما ئینەن:
ناسنامۍ / مەروان زێرەڤان
نامۍ و دما نامۍ / ئەحمەد ئیبراهیم ئەل ئەحمەد
شۊنماو جە ئەڎابیەی / حەلەب
نامۍ ئەڎۍ و نامۍ تاتەی / فاتمە- ئیبراهیم
شۊنماو وەختوو گەشمەرڎەبیەی / ١٨و نیسانوو ٢٠٢٤ / خواکوڕک
*****
ناسنامۍ / تووفان کۆچەر
نامۍ و دما نامۍ / ەحمەد بایار
شۊنماو جە ئەڎابیەی / سێرت
نامۍ ئەڎۍ و نامۍ تاتەی / تایبەت- عەبدوڵا
شۊنماو وەختوو گەشمەرڎەبیەی / ١٨و نیسانوو ٢٠٢٤ / خواکوڕک.
