کورد و دۊسەکێش ئەسیناو پایتەختو یۊنانینە، ناڕەزایەتیشا بەروست دەربڕی وەراوەرو سەردای ڕسمیی سەرۊککۊماری ئاکەپەیی، تەیب ئەرڎۊگان پەی ئەسینا. کورڎەکۍ جە مەیدانو ئەکادیمیاینە کوۍ بیێوە، دەسوەڵیوزو وەرنیشت ورزە سەرو پایا، هەرپاسە ئەنارشیست و شۊڕشگێڵنەکاو تورکیای پەشتگیریی چالاکییەکەیشا کەرد.

چالاکییەکەنە، پانکارتو "بکوش ئەرڎۊگان"ی و "قڕکەرڎەی کوردستاننە مردندێ" بەرز کریاوە. هەرپاسە ئاڵاو ڕابەرو گەلو کوردی عەبدوڵا ئۊجالانی و پەکەکەی و درووشمەکاو "بژیوۊ سەرۊک ئاپۊ"ی و "ئازادیی پەی ئۊجالان"ی و "بژیوۊ مدرامانو زیندانەکا" بەرز کریاوە. چالاکییەکەنە، فاشیزمو ئەرڎۊگانی و هامپەیمانیی میاننەتەوەیی جەنگی شەرمەزار کریا و تیشکە وزیا سەرو کۊشیای هامبەشو گەلا دژو هجوومەکاو قڕکەرڎەی.