ژەنی گەنجێ کۆشەرێ (تێکۆژەن) و ژەنی گەنجێ ئەنتەرناسیۆنالێ، پەی ئازادیی جەستەیی ڕابەروو گەلوو کوردی عەبدوڵا ئۆجالانی ٤ ڕوێن زنجیرە چالاکیێشا دەس پەنە کەردێنێ. زنجیرە چالاکییەکێ بە گۆرانیێ هەرێمیێ و هرپڕای دماییشا ئاما. چا زنجیرە چالاکییانە کە مەیدانوو کلێبێرینە کریێ، پارادایموو کۆنفیدراڵیزمی دیموکراتیکوو ڕابەروو گەلوو کوردی عەبدوڵا ئۆجالانی، کە گردوو گەلا و باوڕەکا و ژەنا چێروو چەترێوەنە کۆ مکەرۆوە و ئازادێشا مکەرۆ، تاووتۆ کریا.

گرووپە ئیتاڵییەکە و باسکی و کوردێ و ئەڵمانییەکێ هونەروو وێشا پێشکەش کەرد و تیشکەشا وستە  سەروو پارادایموو یۆبییەی ڕابەروو گەلوو کوردی عەبدوڵا ئۆجالانی، دەوروو "داروو ژیوای"ینە جەمێ بیێوە و هورپڕێ. 

هاموەڵاتێ خێراماێوی گەرمشا ئۆو هورپڕایەکەی کەرد. گەنجێ بە بەرزکەردەیوە درووشموو "بێ سەرۆکی ژیوای نمەبۆ" و "ژەنی، ژیوای، ئازادی" و "ئازادیی پەی ئۆجالانی" دماییشا بە هورپڕایەکەی ئارد.

دمایی چالاکێ پێوە گۆرانیێشا دەربارەو ڕابەروو گەلوو کوردی عەبدوڵا ئۆجالانی واتێ، حەر چا وەختەنە پۆرترێتوو ڕابەروو گەلوو کوردی عەبدوڵا ئۆجالانی وەش کریا.

برۆشورێ و وەڵاکریێوی بەشێ کریێ، دلێشانە دەسنیشان کریا، کە ڕابەروو گەلوو کوردی عەبدوڵا ئۆجالان وەراوەروو کێشە قووڵەکاو مۆدێرنیتەی سەرمایەدارییوە، ئەڵتەرناتیڤێوی گرنگا. هەرپاسە ئەوەخوای کریاوە سەبەبی سەرەکیی گۆشەگیریی ڕەهای پەی ڕاگرییا جە فیکروو ڕابەروو گەلوو کوردی عەبدوڵا ئۆجالانی. هەرپاسە جەخت کریاوە، ژەنی سەرمەشقێ پارادایموو کۆنفیدراڵیزموو دیموکراتیکنێ، وەعد دریا تا ئازادیی ڕابەروو گەلوو کوردی عەبدوڵا ئۆجالانی درێژە بە کۆشیای مدا..