شارەکا زیوریخ و بێرن و لۆزان و سویسراینە  گەشمەردا مانگەو ئایاری یادێ کریێوە.

زیوریخ

زیوریخەنە بە سەرمەشقایەتی ناوەندو گلێرگەو دیموکراتیکی کوردی (دەم-کورد) گەشمەردێ مانگەو ئایاری یادێ کریێوە.

دماو دەقێوە ڕێزگێرتەی جە نوێنەرو ئەرەمەزیارەو بنەیانەو گەشمەردا (کۆماو) موستەفا کاراها سەرنجش وست سەرو گرنگی مانگەو ئایاری و پێسەو مانگەو گەشمەردا و گەشمەردەبییەی سەرمەشقا شۆڕشی جە تورکیانەو چا مانگێنە، واتش: "ڕابەر ئاپۆ میراتو ئا شۆڕشگێڵناشە ورگێرت و ئەرەکۆشای ئازادیش وەڵێ وست. چی مانگێنە حەقی قەرار و محەمەد کاراسنوگور، چاران، هۆزان مزگین و هەزارەها کۆششکارێ تەرێ چی مانگێنە گەشمەردێ بیێ، سەرەو ڕێزیشا پەی منامنمێرە".

ئەندامو دیوانوو هامسەرۆکایەتی کەجەدەکە-ئەی موسا فارسئۆغلو سەرنجش وست سەرو بەردەوام  قڕکەردەی کوردا جە چوار پارچەو کوردسانینە، حەرپاسە ئاماژەش پانەیە کەرد خیانەت جە تاریخو کوردینە بییەنو هەڵای لا یەزال بەردەواما و پێویسا دژایەتی خیانەتی کریۆ بە ئەرکێ سەرەکی، سەرنجشا وست سەرو هەڵمەتەو میان نەتەوەیی پەی  ئازادیی ڕابەروو گەلو کوردی عەبدوڵا ئۆجالانی و واتشا: "ئەرکمانە کەمپینو ئازادیی جەستەیی ڕابەریما سەر وزمێ".

تاتەو گەشمەردە شەمسەدین تونچی واتش: "پەکەکە پارتو گەشمەردان، ئێمەیچ بنەیانەو گەشمەردانمێ، پێویسا خاوەنداری چی کۆششکارییە بکەرمێ".

دماتەر سینەڤزیۆنێوە دەربارەو گەشمەردا مانگەو ئایاری نیشانە دریا و کۆنسێرتێوە مۆسیقی پێشکەشکریا.

لۆزان

 

قۆمێ گەشمەردا لۆزانەنە و چندین کوردستانیێ بەشدارێ مەراسیمەکەی بیێ پەی یادکەردەیۆ گەشمەردا جە بیناو دەکتەمینە.

دماو دەقێوە ڕێزگێرتەی جە گەشمەردا، سەرو نامێ کۆمیسیۆنو بنەیانەو گەشمەردا لۆزانی، ڕەمەزان ئۆبا سەرنجش وست سەرو ڕۆڵ و قارەمانێتی گەشمەردا مانگەو ئایاری جە وەڵێوستەی کۆشیاینە.

ئەندامو یەکێتی ژەنا کوردستانی خەدیجە کەنداڵە واتش: "تاریخوو مدرامانیما پەڕا جە خاڵەو ورچەرخنای گرنگی. دماو گەشمەردەبیەی حەقی قەراری پارتەکەما ئەرەمەرزیا. دماو گەشمەردەبیەی خەلیل چاڤگونی مدرامانوو حلوانی وەڵێ کەوت. گرد گەشمەردێوە مانگەو ئایاری تاریخێوەن".

هامسەرۆکوو جەدەکەو لۆزانی زوڵفو بینبر جەختش کەردۆ سەروو خاوەنداریکەردەی جە میراتوو گەشمەردا.

دماو تەماشەکەردەی سینڤزیۆنەکەی دەربارەو گەشمەردا مانگەو ئایاری، یادەکە بە درووشـمەو "گەشمەردێ  مەمرا" دمایش ئاما.

بێرن

شارو بێرنینە فەرماندەو هەپەگەی عەلی حەیدەر دێرسیم (بیلال کارەکوش) و سۆرۆ ئامانۆس (موسلم ئورپەر) کە ساڵەو ٢٠٢٢ جە هەرێمەکا پارێزنای مەدیاینە گەشمەردێ بیێ، یادێ کریێوە.

دماو دەقێوە ڕێزگێرتەی جە گەشمەردا، سەرو نامێ کۆماوی سەعدەت کوران واتش: "ئەگەر گەرەکما بۆ گەشمەردا نەمرنمێ، پێویسا خاوەنداری جە کۆشیای و وەرمەکاشا بکەرمێ".

هامسەرۆکو دەکتەمی بێرنەنە بورهان کاراکۆچ ئاماژەش پانەیە کەرد ئەرکو گردیمانە ئاڵاو کۆشیاو گەشمەردا بەرز ڕاگێرمێ.

سەرو نامێ بنەیانەو گەشمەردە سۆرۆ ئامانۆسی، مەهدی گۆیی و برازاو حەیدەر دێرسیمی گۆکهان کاراکوش قسێشا کەردێ.

سینڤزیۆنێوە دەربارەو گەشمەردا نیشانەدرییا و یادەکە بە درووشـمەو "گەشمەردێ مەمرا" دمایش پنە ئاما.