هونەرمەند کوورش فەتحی دانیشتووی بۆکانی ڕۆژهەڵاتی کوردستان بە هۆی بەشداربوونی لە پیرزباییەکانی ئاهەنگی نەورۆز لە لایەن وەزارەتی ئیتلاعاتی ئێرانەوە دۆسییەی یاسایی لەسەر کرایەوە.
هەڵمەتی بانگهێشتکردنی هونەرمەندانی کورد لەلایەن وەزارەتی ئیتلاعاتی ئێران بەردەوامە و لەو چوارچێوەیەشدا، هونەرمەندێکی کوردی خەڵکی بۆکان بەهۆی بەشداری لە ئاهەنگەکانی نەورۆز بانگهێشتی ئیتلاعاتی شارەکە کراوە و دۆسییەی یاسایی بۆ کراوەتەوە.
ڕێکخراوی کۆمەڵەی مافەکانی مرۆڤ سەبارەت بە بانگهێشتکردنی هونەرمەندێکی کورد لەلایەن وەزارەتی ئیتلاعاتی ئێرانەوە ئاماژەی بەوەدا: "هونەرمەندێکی کورد بە ناوی کوورش فەتحی خەڵکی بۆکان لەلایەن ئیدارەی ئیتلاعاتی ئەو شارە بانگهێشت کرا بە مەبەستی لێپرسینەوە.
سەرچاوەکە ئاماژە بەوەشداوە: "هونەرمەند کوورش فەتحی بەهۆی بەشداریکردن لە ئاهەنگی نەورۆزی گوندی کانی ڕەش و وتنەوەی سروودێکی شۆڕشگێڕی هەڕەشەی لێکراوە و دۆسییەی یاسایی بۆ کراوەتەوە و ڕەوانەی دادگا کراوە."
