لە شاری کۆڵنی ئەڵمانیا، دامەزراندنی پەژاک و ڕۆژبوونی ڕێبەر ئاپۆ پیرۆزکرا. چالاکییەکە لەلایەن ئەنجوومەنی ژنانی ڤیان و پەژاکەوە ئەنجامدرا، سیاسەتمەدارانی کورد و هونەرمەند و کوردستانیان بەشداری چالاکییەکە بوون.

چالاکییەکە لە هۆڵی دەکتەم ئەنجامدرا و ئاڵای پەژاک و وێنەی ڕێبەر ئاپۆ هەڵواسرا.

پاش خولەکێک ڕێزگرتن لە یادی شەهیدان، ئەندامی کژار مەریەم فەتحی تیشکی خستەسەر ئامانجی دامەزراندنی پەژاک و گوتی: "بە لەدایکبوونی ڕێبەر ئاپۆ، شۆڕشێکی زیهنی و فیکری پێکهات. ئەمڕۆ نەوەک تەنها چاوی گەلی کورد، چاوی هەموو جیهان لەسەر پەیامی ڕێبەر ئاپۆیە. ئەمەش هێزی ڕێبەر ئاپۆ دەردەخات. ڕێبەر ئاپۆ بە پێشخستنی تێگەیشتنی ئازادی و مرۆڤی ئازاد، حیساباتی داگیرکەرانی شێواند".

لەسەر ناوی پەژاک، ئیبراهیم عەلی‌پوور ڕۆژبوونی ڕێبەر ئاپۆ و پەکەکەی پیرۆز کرد، جەختی کردەوە گۆشەگیری سەر ڕێبەر ئاپۆ قبووڵ ناکرێت، تا ئازادیی جەستەیی ڕێبەر ئاپۆ پێک نەیەت، درێژە بە تێکۆشان دەدەن.

چالاکییەکە بە گۆرانی و هەڵپەڕکێ و بەرزکردنەوەی درووشم کۆتایی هات.