پەرلەمانتار ئیولالیا ڕیگوانت نوێنەری پارتی سی یو پیی سەربەخویخواز لە پەرلەمانی کەتەلان، هێرشەکانی تورکیای بۆ سەر باکور و ڕۆژهەڵاتی سوریا بە پێشێلکارییەکی سیستماتیکی یاسا نێونەتەوەییەکان وەسفکرد و ڕایگەیاند، 'گەلی کەتالان پشتیوانی گەڵی کوردە'. نارد.

ڕیگوانت ڕایگەیاند، تورکیا ساڵانێکە بە شێوەیەکی سیستماتیک هەڕەشە لە پرۆژەی باکوور و ڕۆژهەڵاتی سوریا دەکات و هێرش دەکاتە سەر کوردان و وتی: "ڕژێمی ئەردۆغان ئێستا بە بێدەنگیی کۆمەڵگای نێونەتەوەیی و بەتایبەتی دەوڵەتی ئیسپانیا، کە بەردەوامە لە پەیوەندییە سەربازییەکانی لەگەڵ تورکیا، ناوچەکە بۆردومان دەکات و داگیری دەکات. پێشێلکردنی سیستماتیکی یاسا نێونەتەوەییەکان مەترسیدار و جێی نیگەرانییە و ئەوەش بە سوودوەرگرتن لە هەستیاری و سەرنجەکان بۆ شەڕی ئۆکرانیا ڕوودەدات".

ڕیگوانت ڕاشیگەیاند، پەرلەمانی کەتەلۆنیا تاکە پەرلەمانە، کە دانی بە بەڕێوەبەریی خۆبەڕێوەبەری باکوور و رۆژهەڵاتی سوریادا ناوە و وتی: "ئەم دۆخە ڕێگا بۆ هەڕەشەکانی باڵیۆزخانەی تورک دەکاتەوە. ئێمە پێشێلکردنی یاسا نێونەتەوەییەکان لەلایەن ئەردۆغانەوە ئیدانە دەکەین".

ڕیگوانت باسی لە پەیوەندییەکانی تورکیا لەگەڵ داعش کرد و وتی: "زۆر لەمێژە گومان هەیە، کە ئەردۆغان سوود لە پەیوەندییەکانی نێوان ڕژێمی تورکیا و داعش وەردەگرێت و لە بەرژەوەندیی خۆی بەکاریدەهێنێت. بۆ ئەوەی لە هەرێمەکەدا شەڕ بکات و سوود لەو دۆخە وەردەگرێت و ئەوەش دۆخێکی مەترسیدارە و جێگەی شەرمەزارییە. ئەمەش گەورەترین نیشانەی دەسەڵاتخوازبوون و ملهوبوونی خۆسەپێنەرانەیە. بۆ ئەوەی کۆمەڵگای نێونەتەوەیی بێدەنگی خۆی بشکێنێت و پەیوەندیەکانی خۆیان لەگەڵ ئەردۆغان ببڕن دەبێت ئەم ڕاستییە بخرێتە سەر لیستی پێشێلکارییە درێژ خایەنەکانی لە بواری یاسا نێونەتەەییەکان دا".

ڕیگوانت ئاماژەی بەوەدا، بێدەنگیی جیهان لە بەرامبەر هێرشەکانی سەر باکور و ڕۆژهەڵاتی سوریا خیانەتە لە بەها دیموکراتییەکان و ڕاشیگەیاند، ئەم دۆخە نیشانەی چۆنیەتیی کوالێتی و ناوەرۆکی دیموکراسیی ئەوروپایە.

ڕیگوانت لە کۆتایی وتەکانید وتی: "پەرلەمان و کاتالان وەک زیاتر لە ساڵێک لەمەوبەر ڕایانگەیاندبوو، پشتیوانی بەرخۆدانی کوردانە و بووینەتە داکۆکیکار لە پرۆژەی کۆنفیدرالیزمی دیموکراتیک و بەهاکانیان".

ژ.ت