لە زۆرێک لە ناوەندەکانی ئەوروپا بە پێشەنگایەتیی بزووتنەوەی گەنجانی شۆڕشگێڕ (تەجەشە)، ژنانی خوێندکاری کوردستان (ژەخەکە) و گەنجانی ئینتەرناسیۆنالیست، بۆ لابردنی ناوی پەکەکە لە "لیستی تیرۆر" ستاند دانرا. لە چالاکییەکەدا زانیاری دەربارەی ناوەرۆکی کەمپینەکە بۆ هاووڵاتییان و چالاکوانان و کەسایەتییەکان دەخرێتەڕوو و واژۆ کۆدەکرێتەوە.

کۆڵن

لە شاری کۆڵنی ئەڵمانیا و لە چوارچێوەی هەڵمەتی "وەرن جەنگی ئازادییە" لە دژی قەدەغەی سەر پەکەکە ستاند دانرا و واژۆ کۆکرایەوە.

ستاندی واژۆکۆکردنەوەکە لە کاتژمێر ١٢:٠٠ لە ناوچەی چلۆدویگپڵاتز دانرا و تا کاتژمێر ١٧:٠٠ بەردەوام بوو.

کتێبەکانی ڕێبەری گەلی کورد عەبدوڵائۆجالان لە چالاکییەکەدا دانران و ئەو کەسانەی چوونە سەر ستانەکە زانیاریی پێویستیان پێدرا و لە چالاکییەکە و ئامانجەکەى ئاگادارکرانەوە.

مارسیلیا

کەمپەینی واژۆکۆکردنەوە لە شاری مارسیلیای فەرەنساش بەردەوامە.

لە گۆڕەپانی پلاین لە شاری مارسیلیا ستاندی واژۆکۆکردنەوە بە پێشەنگایەتیی تەجەشە، تیکۆژن و گەنجانی ئینتەرناسیۆنالیست دانرا. لە چالاکییەکەدا زانیاری بە گەنجانی کۆمەڵگەی فەرەنسا درا و لە ئامانجی چالاکییەکە ئاگادار کرانەوە و واژۆ کۆکرایەوە.

سانت گالن

بە پێشەنگایەتیی تەجەشە و کۆمیسۆنی ڕۆشنبیری لە شاری سانت گالن لە سویسرا ستاند دانرا.

ستاندەکە لە مولتەرگەسی دانرا. نەژادپەرستانی تورک هەوڵیاندا ئاژاوەگێڕی و کاری تێکدەرانە لە دژی چالاکییەکە ئەنجام بدەن، بەڵام هەر دوای گەیشتنی پۆلیس بۆ شوێنی ستاندەکە، نەژادپەرستانی تورک هەر یەکەوە بە لایەکدا هەڵهاتن.

ژ.ت