بە پێشەنگایەتی کۆنفیدراسیۆنی سەندیکاکانی کرێکارانی شۆڕشگێڕ (دیسک) کۆنفیدراسیۆنی سەندیکا جەماوەریەکانی رەنجدەران (کەسەک)، یەکێتی ژورەکانی ئەندازیانی بیناسازی، یەکێتی پزیشکانی ددانی تورکیا و یەکێتی پزیشکانی تورکیا (تەتەبە) ئەمرۆ لە گۆڕەپانی تەقسیم پیرۆزبایی ١ی ئایار ساز دەکرێت. کرێکاران، سەرباری بڕیاری قەدەغەکردی والیگەری و گەمارۆی پۆلیس لە یەکێک لە گۆڕەپانەکانی پارکی ساراچخانە کۆبوونەوە.

ژنان، گەنجان، نوێنەرانی سەندیکاکان، رێکخراوە مەدەنیەکان و نوێنەرانی پارتە سیاسیەکان بۆ ئەوەی بەرەو گۆڕەپانەکە رێپێوان بکەن، لە ساراچخانە کۆبوونەوە. جەماوەرەکە وێڕای وتنەوەی سرودی یەکی ئایار، بە شێوەیەکی پڕ جۆش و خرۆش چاوەڕێی دەستپێکردنی رێپێوانەکەن.

پارتی یەکسانی و دیموکراسی گەلان (دەم پارتی)، رێکراوە فیمینیستی و ئیکۆلۆژیەکان لە وێستگەی یەنیکاپیی مەرمەرەوە بەرەو پارکی ساراچخانە رێپێوان دەکەن. دواتر لەوێوە بەرەو تەقسیم رێپێوان دەکەن.

هـ . ب