لە چواردەهەمین ساڵیادی مردنیدا، هونەرمەند ئارام تیگران لەسەر گۆڕەکەی لە بروکسلی پایتەختی بەلژیکا یادکرایەوە. هونەرمەندانی تەڤ_چاند و عاشقانی دەنگی تیگران لە مەراسیمەکەدا بەشداربوون.

مەراسیمەکە بە خولەکێک وەستان دەستی پێ کرد. سەرەتا هۆزان شەمدین باسی لە کەسێتی ئارام تیگران کرد. هۆزان ئاماژەی بەوە کرد، ئارام تیگران بە ستران و ژیانی خۆی بووە پردی نێوان ئەرمەن و کوردان، نموونەیەکی هەرە بەرچاوی ئەم یەکگرتنەیە. ئاشکرای کرد، وەسێتی ئارام تیگران ئەوە بوو، لە ئامەد بەخاکی بسپێرن و گوتی: "بەڵام دوژمنی دڕندە نەیهێشت، ئێمە بە ڕزگارکردنی خاکەکەمان، ڕۆژێک دێت گۆڕەکەی دەبەینەوە سەر خاکە دڵخوازەکەی".

هونەرمەند حەکیم سەفکان، ئاماژەی کرد بە خزمەتی ئارام تیگران بە هونەری کوردی و گوتی: "ئێمە بە یادکردنەوەی وی، خاوەندارێتی لە وتەکەی ڕێبەر ئاپۆ دەکەین کە دەیگوت: "کاتێک من سترانی "هەی لۆ دەلال"ـم بیست، گوتم دەبێت ئەم دەنگە هەمیشە بمێنێتەوە".

پاش وتەی هونەرمەند و بەشداران، گوڵ لەسەر گۆڕی ئارام تیگران دانرا و سترانەکانی گوترایەوە.